بعد لقائه مع موقع «بصراحة».. كزبرة يرد على محمد رمضان : ليه بتتعامل مع الفنان الكوميدي إنه تافه

أعرب الفنان الشاب كزبرة عن استيائه الشديد من تصريحات محمد رمضان عنه خلال لقائه مع موقع “بصراحة”، مشيرًا إلى أنه يمر بأزمة نفسية بسبب تلك التصريحات.

وكتب كزبرة عبر حسابه الشخصي بموقع التواصل الاجتماعي لتبادل الصور والفيديوهات القصيرة “انستجرام”: اول حاجة الحمد لله على نعمة ربنا عليا وحبكم ورسائلكم الجميلة اللي بتوصلني ورد الفعل الجميل منكم على فيلم الحريفة 2.. كلام كتير نفسي اقوله واعبر بيه ليكم

كزبرة يرد على محمد رمضان

وأضاف: والله يجماعة الكلام ده نفسي اقوله من بدري بس حاسس ان ده وقته انا مش عارف ليه كل لما انجح في ناس بتحاول تتطلع صورتي وحشة انا بجد نفسيا مبقتش قادر وبقالي فتره كبيرة كل لما اعمل حاجة حلوة مبقتش عارف اتبسط بيها ونفسيا مش احسن حاجة.

وواصل: ربنا اللي عالم الواحد كل اللي يهمه انه يقدم حاجة تعجبكم وتسعدكم بس في ناس بتتعامل مع اللي بيقدم حاجة كوميدية علي اساس انه شخص تافه مش موهوب والواحد عشان بيتعامل بطبيعته ومش بيتصنع بتحاولوا تشوفوا ازاي تطلعوا في عيب قدام جمهوره واخواته الي بيحبيوه .. زي ان يتنسبلي كلام مقلتهوش او يتقلل مني بحاجات قديمة عملتها.

وأختتم كزبرة حديثه قائلًا: احيانا الكلام عليا بيوصل للتريقة على اسمي بمجرد ما يعمل حاجة حلوة وتعجبهم انا مش عارف ليه وده السبب الي ببيخلي انسان طيب اول ما ينجح يتحول لانسان عنده نقص وعنده حرب مع كل الي حوليه زي ناس كتير نجحت وبقوا يتعاملوا بنرجسية عشان يعرفوا يتعاملوا مع الواقع فانا يجماعة مش عايز اوصل للمرحلة دي انا عايز ابقي انسان طيب وفحالي واشتغل علي نفسي واقدملكم فن يعجبكم ويبسطكم هو ده هدفي فبلاش تتعاملوا مع الواحد باسلوب هو مش حبه وشكرا لكل واحد بيدعمني من قلبه واي حذ بيحب اللي بقدمه او حتى بينتقده بأسلوب كويس انتم اللي تهموني.

لقاء محمد رمضان مع موقع بصراحة

وكان قد علق الفنان محمد رمضان في تصريح حصري لموقع بصراحة، على تصريحات مطرب المهرجانات كزبرة، التي أثارت جدلاً كبيراً، حيث قال الأخير: "حبيبي لو زعلان، البحر هناك مليان".

محمد رمضان يرد على كزبرة

عندما وُجه السؤال لمحمد رمضان من مراسل موقعنا خلال مشاركته في منتدى السينما والتغير المناخي، رد رمضان بسخرية قائلاً: "كزبرة مين ده؟ إحنا في مكتبة مش في عطارة."