أنا فنان بمثل شعب.. محمد رمضان يكشف لـ«بصراحة» سبب غيابه عن دراما رمضان 2025

كشف الفنان محمد رمضان سبب غيابه عن دراما رمضان 2025 لعامين متتاليين، وذلك على هامش منتدى التواصل حول المناخ.

وقال محمد رمضان خلال لقائه مع موقع “بصراحة”: أنا مسؤول من الجمهور إني أقدمله حاجات كويسه عشان كده مش هشارك في دراما رمضان 2025، أنا متفرغ دلوقتي لفيلمي الجديد أسد أول فيلم مصري يتكلم عن التفرقة العنصرية فعشان كده قولت اتفرغ للفيلم تماما.

وأضاف: الفنان فرد بيمثل فئة فلما بيختاروا فرد بيمثل فئة بيختاروا الأكثر ثقافة والشخص الخدوم والمتفاني والمخلص، فأنا ممثل بمثل شعب فلازم أكون على قدر دراسة هذا الشعب وايه متطلباته وحاجاته النفسية اللي ممكن أحققها، أنا عايز الشاب ينزل الشاب يشتغل ويقول أنا نمبر وان أنا هقدر أعمل حاجة حلوة، الفن اني أقدر أحول اللي الجمهور محتاجه معنويًا ونفسيًا.

محمد رمضان يرد على كزبرة

وكان قد علق الفنان محمد رمضان في تصريح حصري لموقع بصراحة، على تصريحات مطرب المهرجانات كزبرة، التي أثارت جدلاً كبيراً، حيث قال الأخير: "حبيبي لو زعلان، البحر هناك مليان".

عندما وُجه السؤال لمحمد رمضان من مراسل موقعنا خلال مشاركته في منتدى السينما والتغير المناخي، رد رمضان بسخرية قائلاً: "كزبرة مين ده؟ إحنا في مكتبة مش في عطارة."