انفراد| عنتر حنفي يدلي بأخطر اعتراف في قضية سرقة شاليمار الشربتلي
يستمر موقع بصراحة الإخباري في نشر الاعترافات الكاملة في قضية سرقة مجوهرات الفنانة التشكيلية شاليمار الشربتلي، المتهم فيها المخرج عمر زهران.
وفي تطور جديد بالقضية، ينفرد موقع بصراحة بنشر اعترافات المتهم الثاني، المدعو عنتر حنفي، الذي كشف في أقواله عن تفاصيل جديدة تخص الحادثة، حيث أدلى بمجموعة من المعلومات التي قد تغير مجريات التحقيق. وجاءت اعترافاته كالتالي:
جهات التحقيق: حيث قمنا بإرسال مندوبنا إلى نقابة المحامين لإحضار ثمة مدافع يحضر مع المتهم حال إجراءات التحقيق فعاد بعد أن أفادنا بأنهم مشغولون بأعمالهم اليومية ورفضوا الحضور من أمثال أمرار كاتب التحقيق محمد موسى وكيل النادي وعليه، وبالمناسبة تواجد المتهم أمامنا شرعنا في استجوابه بالآتي:
أجاب:-
ج: إسمي عنتر حنفي محمود جمعة مويس سني / ٤٠ سنة أعمل / عامل أقيم / شارع السعادة - قرية أبو النمرس - مركز أبو النمرس - الجيزة أعمل بطاقة تحقيق شخصية رقم / ٢٨٤٠٤٢٢٢١٠١٦٩٦ م.
اعترافات عنتر حنفي المتهم الثاني في قضية سرقة شاليمار الشربتلي
س: ما هو قولك فيما هو منسوب إليك من أنك متهم بسرقة المنقولات المبينة وصفاً وقدراً وقيمة بالأوراق والمملوكة للمجني عليها شاليمار حسن عباس شربتلي وكان ذلك من داخل مسكنها حال كونك خادماً لها بالأجرة على النحو المبين بالتحقيقات؟
ج: محصلش
س: ما هي ظروف ضبط وإحضارك وأوجه دفاعك؟
ج: اللي حصل إن أستاذة شاليمار دي فعلاً أنا روحت لها البيت بتاعها عشان أنضفهولها أكتر من مرة، بروح بناءً على طلب الممثل عمر زهران لأنه صاحبها وأنا كنت أعرفه من زمان وآخر مرة روحلها في شهر ٨ اللي فات ومن ساعتها مروحتش تاني ومن حوالي كام يوم وأنا قاعد في بيتي في أبو النمرس الباب بيخبط ففتحت الباب لقيت حوالي ٥ أشخاص لابسين ملكي وقالولي إنهم مباحث وسألوني على مدام شاليمار والحاجة بتاعتها قولتلهم أنا معرفش حاجة عن الكلام ده وقلتلهم على اللي حصل وساعتها خدوني معاهم على قسم الجيزة والنهاردة جيت على النيابة.
س: متى وأين تم ضبطك تحديدًا؟
ج: أنا اتمسكت يوم ٢٠٢٤/١١/١٤ حوالي الساعة ١٢:٣٠ بالليل من بيتي بأبو النمرس.
س: ومن كان برفقتك آنذاك؟
ج: كان معايا مراتي وعيالي.
س: ومن هم القائمين على ضبطك وكم كان عددهم؟
ج: هما كانوا حوالي ٥ أشخاص لابسين ملكي من مباحث قسم الجيزة.
س: وهل وقفت على سبب ضبطك؟
ج: لا
س: وهل من ثمة تفتيش انصرف لشخصك من القائمين على ضبطك؟
ج: أيوة وملقوش معايا حاجة ممنوعة.
س: وما هي صلتك بالمجني عليها / شاليمار حسن عباس شربتلي وكذا المدعو / عمر زكريا زهران؟
ج: أستاذ / عمر ده ممثل وأنا أعرفه من حوالي ٢٠ سنة تقريبًا، أما أستاذة شاليمار أنا أعرفها من شهور عن طريق أستاذ عمر لإنهم صحاب وكان بياخدني أنضف البيت بتاعها.
س: وهل من ثمة خلافات فيما بينك وبين سالفي الذكر؟
ج: لا، مفيش بيني وبينهم أي خلافات، لكن أستاذ / عمر أنا أعرفه من زمان والعلاقة بينا كانت طيبة.
س: وما هي طبيعة عملك تحديدًا؟
ج: أنا زمان كنت بشتغل عامل نظافة في أتيلية بتاع فساتين سوارية واتعلمت هناك إزاي أبدأ أفصل فساتين سواريه وساعتها سبت شغلانة النظافة وبدأت أشتغل في الفساتين ومن ساعتها وأنا شغال في الفساتين لحد دلوقتي.
س: إذا وكيف ومتى تحديدًا تعرفت على المدعو / عمر زكريا زمان؟
ج: أنا زي ما تقول لحضرتك كنت شغال في أتيلية بتاع فساتين وديت وكنت شغال هناك عامل نظافة والكلام ده كان من سنة ٢٠٠٣ تقريبًا وكان ساعتها أستاذ / عمر بيجي الأتيلية ده وساعتها اتعرفت عليه وعجبه شغلي في النظافة وكنت بروح أنضف له البيت بتاعه ومن ساعتها وأنا على علاقة بيه.
س: وهل قالت العلاقة بينكما قائمة منذ ذلك التاريخ وحتى الآن؟
ج: أيوه أنا كنت بنضف له البيت بتاعه من سنة ٢٠٠٣ لحد سنة ٢٠٠٧، أما بدأت أشتغل أفصل فساتين كان بيكلمني وكنت أقوله مش فاضي ومبقتش أروحله من ساعتها لحد لما لاقيته بيتصل عليا وكان بيسألني على أي حد أكون أنا عارفه عشان يروح ينضف له الشقة بتاعته وساعتها أنا قولتله هجيلك أنا وبدأت أروح له تاني أنضف له البيت بتاعه.
س: وما هو سبب قبولك تنظيف منزله مرة أخرى؟
ج: لأن في الفترة دي الدنيا مكنتش كويسة معايا في الفلوس والسوق كان مريح وأنا مبحبش أقول للرزق لا.
س: وهل كنت تذهب إلى محل سكن المدعو / عمر زكريا زهران بشكل منتظم طوال تلك الفترة وحتى الآن؟
ج: أنا من سنة ٢٠٢٢ من ساعة لما أستاذ عمر كلمني تاني وأنا كنت أروح له بشكل منتظم يعني مثلا مرة كل شهر لما كان بيكلمني.
س: إذا ومن أين لك معرفتك بالمجني عليها / شاليمار حسن عباس شربتلي؟
ج: أنا من حوالي ٣ أو ٤ شهور تقريبًا لقيت مرة أستاذ عمر بيكلمني وبيقولي إنه محتاجني فقلت له إني مش فاضي وعندي شغل فقالي لما تخلص ابقى عدي عليا ولما روحت له البيت قال لي إن أي واحدة صاحبته محتاجاني عشان أنضفلها البيت وقال لي هيطلعلك من هناك لقمة عيش حلوة وأنا ساعتها وافقت ووداني عندها لكن أنا معرفهاش من قبل كده ومروحتهاش تاني بعد آخر مرة.
س: وكم عدد المرات التي ذهبت فيها للمجني عليها سالفة الذكر؟
ج: أنا روحت المدام شاليمار ٥ مرات ومروحت لهاش تاني من ساعة آخر مرة.
س: ومن كان برفقتك آنذاك؟
ج: أنا لما كان أستاذ / عمر بيكلمني كنت بروح أعدي عليه وكنا بنتحرك من بعض ونروح للأستاذة شاليمار.
س: وأين تقع تلك العين تحديدًا؟
ج: الشقة دي موجودة في الدور الثامن في برج جنب الفور سيزون.
س: وهل سبق لك والمدعو عمر زهران أن توجهتما إلى العين الخاصة بالمجني عليها في عدم وجودها؟
ج: لا، أنا كنت بعدي على الأستاذ عمر الأول وبعد كده كنا بنروح مع بعض لكن مفيش غير مرة واحدة كان سابقني على بيتها كانت هي موجودة، والأستاذ عمر مكنش موجودة لكن أستاذ خالد يوسف - المخرج السينمائي - كان موجود، لكن محصلش أني روحت أنا وأستاذ عمر لوحدنا خالص.
س: إذا وهل سبق للمدعو / عمر زكريا زهران أن توجه إلى العين سالفة الذكر في وجود المجني عليها؟
ج: معرفش، بس اللي أنا أعرفه إنهم صحاب لكن معرفش إذا كان بيروح لوحده ومحدش موجود ولا لا.
استكمالاً لما سبق، وما هو غرض تواجدك بالعين محل الواقعة بالمرات سالفة الذكر؟ ج: أنا كنت رايح هناك عشان أنضف البيت زي ما أستاذ عمر كان بيقولي.
إذا وهل اقتصر تواجدك بالعين سالفة الذكر على أعمال النظافة فقط؟ ج: أنا أول مرة لما روحت هناك دخلت نضفت المطبخ والصالة وساعتها أستاذ عمر قال إن في ذهب ضايع وخلاني أدور في كام شنطة كده كانوا محطوطين على جنب بس ملقتش حاجة.
س: وهل عثرت على ثمة مصوغات ذهبية في أياً من المرات سالفة الذكر ؟
ج: أنا بعد كدة روحت الشقة أربع مرات كمان:-
المرة الأولى منهم لما دخلت مع أستاذ / عمر كانت مدام / شاليمار موجودة وساعتها دخلنا اوضة النوم بتاعتها وتحديداً (الدريسينج روم ) وأستاذ / عمر شاورلي على مجموعة شنط إيد بتوع الأستاذة قالي دور فيهم كدة يمكن تلاقي حاجة وهما الإثنين خرجوا وكان أستاذ / عمر كل شوية يدخل ويخرج وساعتها لما دورت لقيت خاتم في ثاني أو تالت شنطة وطلعت إديته لأستاذة شاليمار برة وقالتلي جدع وكمل و دورت تاني في باقي الشنط ملقتش حاجة ولما الوقت اتأخر إستأذنت عشان أمشى وساعتها مدام / شالمبار ادتني ٥٠٠٠ جنية.
المرة الثانية منهم روحت برضو بس كان أستاذ / عمر موجود هناك مع مدام / شاليمار قبل ما اوصل ولما وصلت دخلوني الدريسينج روم تاني وساعتها أستاذ / عمر شاورلي على شوية شنط سفر وقالي فتش دول وخرج هو ومدام شاليمار للصالة برة وأول شنطة فتحتها لقيت فيها علب مجوهرات فاضية واحدة منهم مكان فيها خاتمين فطلعت إديتهم لمدام شاليمار وساعتها دخل معايا أستاذ عمر تاني وشاورلى على دولاب كدة فالدريسينج وقالي دور فيه كله وخرج وكان في علبة على الدولاب ده أول ما فتحتها لقيت فيها مجموعة مشغولات ذهبية فخدته وطلعت عشان أديهم للأستاذة شاليمار بدور مكنتش موجودة فاديتهم للأستاذ / عمر وهو قالي أدخل كمان دور ودخلت كملت وملقتش حاجة تاني وخرجت عشان أمشي فراح استاذ عمر إداني ٤٠٠٠ جنية ونزلت. \
المرة الثالثة منهم روحت المرة دي بس قبل أستاذ / عمر لإنه ساعتها قالي اسبقني ووصلت فضلت منتظر أستاذة / شاليمار لحد ما جات وطلعت معاها وفضلت مستني أستاذ / عمر لحد ما وصل وساعتها قالي أدخل دور في أوضة البنت ودور في الشنط وساعتها دورت في الشنط دي بس ملقتش فيها مجوهرات ولما خرجت عشان أمشي ملقتش الأستاذة شاليمار بس لقيت أشتاذ خالد يوسف المخرج ولقيته بيقولي تعالى وريني الحاجات دي منين قصده على الخواتم والدهب ووريته الأماكن فعلا وساعتها وأنا ماشي أستاذ عمر أداني 400 جنيه.
المرة الرابعة: روحت على البيت على طول لقيت أستاذ عمر وأستاذ خالد يوسف مع بعض وأول ما دخلت راح أستاذ عمر خدني ودخلني أوضة البنت وفتش في لعب الأطفال دي وساعتها هو فتح دولاب البنت وطلع شنطة ايد وراح حاطط إيده فيها وطلع منها حاجه أنا مشوفتهاش وخرج على طول وبعدها بشوية لقيته هو وأستاذ خالد يوسف جايين وأستاذ خالد بيقولي تسلم ايدك يا بطل فأستاذ عمر قاله ده مش عنتر اللي لقاهم أنا اللي لقيتهم وليا فيها حلاوة عربية في فراح أستاذ / خالد قاله إسكت يا عمر وساعتها لما خلصت مشيت وأستاذ خالد يوسف قالي مدام شاليمار هتبقى تديلك مكافئة حلوة أوي ونزلت انا وأستاذ / عمر من البيت ومروحتش تاني من ساعتها.
س: في ضوء ما قررته سلفا هل كان المدعو / عمر زكريا زهران على علم مسبق بمكان عثورك على المصوغات الذهبية سالفة الذكر؟
ج: أنا معرفش الصراحة بس كل مكان كان بيقولي دور فيه كنت بلاقي حاجة أما لما كنت بدور مع نفسي مكنتش بلاقي حاجة.
س: هل سبق وقررت لنا أنك عثرت على مجموعة من المصوغات الذهبية بإحدى الحقائب بالعين محل الواقعة ووضح لنا طبيعة تلك المصوغات تحديدا؟
ج: أنا مش فاكر بس المرة دي كانوا زي مجموعة ذهب كدة محطوطين على بعض زي ما يكونوا ملمومين وأنا مشوفتهمش ساعتها انا خدتهم زي ما هما وايدتهم لمدام شاليمار.
س: وضح لنا أيضاً ما هي طبيعة الأشياء التي عثر عليها المدعو / عمر زكريا زهران تحديدا؟
ج: أنا معرفهش هم لقى إيه هو ساعتها لما كان معايا في الأوضة فتح دولاب البنت وطلع شنطة إيده فيها وطلع حاجة وخرج بيها على طول لكن أنا مشوفتش حاجة وده كمان غير إنه ساعتها مدورش أصلا هو فتح الدولاب وطلع الشنطة على طول.
س: ما هو تعليقك إذا لقيام المجني عليها / شاليمار حسن عباس شربتني بإتهامك والمدعو / عمر زكريا زهران بسرقة المنقولات الخاصة بها من العين محل سكنها ؟
ج: أنا معرفش هي بتقول كدة ليه، بس أنا مفيش مرة روحت هناك غير ومعايا أستاذ/ عمر ومكنتش بعمل حاجة غير اللي بيقولولي عليها.
س: أنت متهم بسرقة المنقولات المبينة وصفاً وقدراً وقيمة بالأوراق والمملوكة للمجني عليها شاليمار حسن عباس شربتني وكان ذلك من داخل مسكنها حال كونك خادماً لها بالأجرة على النحو المبين بالتحقيقات؟
ج: محصلش
س: هل لديك أقوال أخرى؟
ج: لا
جوجل نيوز
واتس اب
جوجل نيوز
