كفاية قرف.. مي فاروق تهاجم شقيق الراحل محمد رحيم

وجهت المطربة مي فاروق انتقادات شديدة لشقيق الملحن الراحل محمد رحيم بسبب ظهوره المتكرر في وسائل الإعلام والمناسبات المتعلقة بالعزاء، معتبرة أن هذا التصرف يفتقر إلى الاحترام والذوق.

رسالة مي فاروق عبر فيسبوك

، عبرت مي فاروق عن غضبها في منشور على صفحتها بموقع فيسبوك، وكتبت: "الله يرحمك يا غالي يا ذوق يا محترم، عشت كبير وهتفضل سيرتك سبقاك مهما حاولوا والله. لما بيحصل كدة بعد ما مشيت أومال كان إيه اللي حاصل لك وانت عايش؟ ربنا رحمك لأنك طيب وجميل وما تستاهلش القرف ده."

انتقادات حادة وسخرية

واصلت مي هجومها، مشيرة إلى ما اعتبرته استغلالًا لاسم الراحل لتحقيق شهرة: "ده لا رحمة ولا ذوق ولا أدب ولا دين، ده مش دم ده ميه!! حد يعالج الراجل ده أو يشوفله مكان يقفل عليه. كفاية قرف، مردودالك في يومك والله."

استياء من استغلال الشهرة

اختتمت مي منشورها بتوجيه اتهامات واضحة وصريحة، قائلة: "احترم اسم اللي كنت عايش تتشرف بيه، ولّا نفسك في الشهرة وبتحاول تركب ترند على سيرة واحد الدنيا كلها بتتشرف بيه؟ منتهى الرخص والقرف. حسبنا الله ونعم الوكيل، كله مردود والله. إخص والله ألف إخص."