عصام عبدالفتاح: «أنا أهلاوي أبا عن جد وإحنا عندنا أمانة أكتر من اللي خلف أي حد»

فتح عصام عبد الفتاح رئيس لجنة الحكام السابق النار على منتقديه أثناء توليه رئاسة لجنة الحكام، مشيرًا إلي أنه وعائلته ينتمون للنادي الأهلي.

وقال ” عصام” في تصريحات لبرنامج ” الهدف” على قناة ” أون تايم سبورتس 2 ” :” نبارك للجنة الحكام الجديدة وكلنا معاهم ونساندهم في أي حاجة يطلبوها مننا”.

وعن راية في رحيل اللجنة السابقة رد ” عبد الفتاح” :” لازم نسأل مين اللي خلق المشاكل وخلى مفيش تشكيل للجنة .. اللجنة السابقة لم يتم توفير مناخ جيد لها”.

وبسؤاله هل أنت مؤهل للعودة لرئاسة لجنة الحكام؟، رد ” عصام” :” ما يحدث في الوقت الحالي هو الأسوأ في تاريخ أجواء الرياضة المصرية .. خلت الباطل حق والحق باطل”.

ورد ” عبد الفتاح” على منتقديه :” أنا خبير غصب عن أي حد .. أنا 10 سنين في الفيفا .. في ناس طلعت قالوا إن معندناش شفافية ولا أمانة .. احنا عندنا أمانة أكثر من اللي خلفوهم”.

وأعترف ” عبد الفتاح” بتشجيعه للنادي الأهلي قائلا :” أنا أهلاوي أبا عن جد وعائلتي أهلاوية .. والأهلي خسر وأنا موجود الدوري مرة واحدة عشان هما وحشين لكن فاز معايا بالدوري 6 مرات لكن الحيطة المايله هي التحكيم “.

وأختتم “عبد الفتاح” :” لما يكتبوا رئيس لجنة الحكام معندوش شفافية .. ده اللى كتب كده جاهل لأن معنى كده إن كل حكام مصر مرتشين”.