رد عنيف من ابنة سعيد صالح على تامر حبيب بعد بوست “ ايوة انا رقصت حد عاوز حاجة”

تحدى السيناريست تامر حبيب المهاجمينوالمنتقدين له، بعد “البوست” الذى كتبه عبر حسابه على موقع التواصل الاجتماعى “فيس بوك”، “طيب، انا فعلاً حزين و موجوع علي وفاة الاستاذ سمير غانم، و للاسف ماقدرتش اروح الجنازة و الدفنه لإني في الجونة و حصلت ظروف تمنعني اسافر الصبح و ارجع بالليل علشان اروح الفرح، و للحق الفرح كان جميل و طاقته كانت حلوة، فرقصت و غنيت مع عمرو دياب و اتصورت مع اصحابي... حد عايز حاجة؟”

لترد ابنة الفنان سعيد صالح ردا عنيفا على السيناريست قائلة، “حقك طبعا و ماحدش عايز منك حاجة..بس استأذنك لما تكتب بوست تكون عارف انه هينط ترند و يبقى حديث المدينة و ان البوست هيكون سبب للمرة المليون ان الوسط الفنى كله يتشتم .. ابقى بعد اذنك اكتب ان مش كل الوسط الفنى زى بعض..و ان ده حالك لوحدك او حال القلائل من الوسط .. و ان زى ما فيه ناس خافت يروح عليها فرح الجونة فيه ناس قلبها واجعها اوى و كأن الميت ميتها.. وافتكر ان فيه فنانين قاعدين فى بيوتهم او فى قبورهم بيتهانوا و يتمسح بيهم الأرض لمجرد فكرة السيئة تعم”