تامر حبيب لمنتقدي ذهابه لفرح يوم جنازة سمير غانم: «رقصت مع عمرو دياب»

علق السيناريست تامر حبيب، على حضوره أحد حفلات الزفاف بعد ساعات من جنازة الفنان سمير غانم، بعد انتقاد رواد السوشيال ميديا للواقعة بسبب ما وصفوه بحالة من التمثيل في الحزن وعدم مراعاة حرمة موت صديقهم، قائلا «أنا حزين ولكن روحت الفرح ورقصت مع عمرو دياب». وأوضفحبيب، عبر صفحتة الشخصية على «فيس بوك»، «طيب، انا فعلاً حزين و موجوع علي وفاة الأستاذ سمير غانم، و للأسف ماقدرتش أروح الجنازة و الدفنه لإني في الجونة و حصلت ظروف تمنعني أسافر الصبح و أرجع بالليل علشان أروح الفرح، وللحق الفرح كان جميل و طاقته كانت حلوة، فرقصت و غنيت مع عمرو دياب و إتصورت مع أصحابي.. حد عايز حاجة ؟».

وتابع تامر، متحدثا عن وصيته لجمهوره ومحبيه بعد وفاته،«أوصي كل اللي بيحبوني وهايزعلوا عليا، يوم ما أموت ويبقوا حزاني من قلبهم، لو كان نفس اليوم فيه أي حاجة ممكن تبهجهم و تنسيهم حزنهم يعملوها فوراً، وأنا هابقي مبسوط قوي».

وانتشرت صورا للفنانات يسرا وإلهام شاهين، ولبلبة، والإعلامية بوسى شلبى، خلال احتفالاهم فى حفلة زفاف أحد رجال الأعمال المصريين، لتنهال الانتقادات على فعلتهم فى يوم وفاة الفنان سمير غانم، بعد بكائهم في جنازة الراحل.