تعالى ومعاك الخمرة بتاعتك.. محمود شاهين يكشف كواليس حفل زفافه المثير للجدل

رد مدير التصوير محمود شاهين، ابن شقيق الفنانة إلهام شاهين، على الانتقادات التي تعرض لها حفل زفافه، والذي أثار ضجة كبيرة على وسائل التواصل الاجتماعي قبل نحو شهر تقريبًا.

وقال شاهين في حواره ببرنامج «شاي بالياسمين» عبر قناة «النهار»، إن «البنات اللي كانوا بيرقصوا معايا، أصحابي، وأزواجهم كانوا موجودين، دي ناس متربيين معايا على مدار الحياة».

وأضاف: «احتفلت بافتتاح الفرح بزجاجة شامبين، عشان بتفرج على حاجات بره مصر أكتر، وبحب الرالي والعربيات والفورميلا وان، فدايما الاحتفالات بتاعتهم بالشامبين».

وتابع: «الفرح كان فيه أوبن بار خمور، ده شيء موجود في أفراح أغلبية أصحابي، والوسط بتاعي، أنا مش بحكم على حد، كل واحد ينبسط بطريقة، أنا كنت كاتب في دعوة الفرح، اللي عايز يجيب معاه خمور يجيب، 80% من الأفراح اللي الناس بتشوفها بيكون فيها خمور، وبيخبوها تحت الترابيزة».

وأكمل شاهين: «الأفراح الشعبية بيكون فيها خمور ومخدرات، لكن إحنا مكنش في مخدرات، ده فرح كان صحاب في وسط بعض، جوه الفيلا عندنا، ومكنش في حد من الصحافة معزوم، ومعرفش مين نزل صور الفرح».