أسما شريف منير تنصع جمهورها بالتقرب إلي الله

شاركت البلوجر أسما شريف منير جمهورها مجموعة من النصائح لحصول على الراحة النفسية، وهدوء القلب، عبر حسابها الشخصي بموقع التواصل الاجتماعي تبادل الصور والفيديوهات الانستجرام.

نشرت أسما شريف منير، صورة لها على حسابها الشخصي بموقع التواصل الاجتماعي الانستجرام، معلقة عليها:"هدوء القلب والروح هو حالة كده من الاسترخاء النفسي والراحة اللي كلنا بنبقى محتاجينها، خصوصاً لما الحياة حواليك بتبقى مليانة ضغوط وزحمة و تفكير في بكرا. لما تلاقي نفسك وصلت لحالة الهدوء دي، بتحس إن كل حاجة حواليك بقت أهدى وبسيطة أكتر. قراراتك وقتها بتكون نابعة من مكان هادي ومستقر جواك، فبتبقى واثق من اللي بتعمله".

وأضافت: "عشان توصل لحالة هدوء القلب والروح، محتاج تركز على الحاجات اللي بتريحك وبتخليك تحس بالسلام. زي الصلاة اللي بتخليك قريب من ربنا و مسموع و واثق، لانك في حالة تواصل، التأمل اللي بيريح دماغك من التفكير، أو حتى الكتابة اللي بتساعدك تطلع اللي جواك على الورق. كمان المشي في مكان مفتوح بيريحك وبيفصلك عن الدنيا شوية. الفكرة هنا إنك تدي نفسك فرصة ترتاح وتبعد عن المشاكل لفترة".

وتابعت: "الهدوء الحقيقي بقى بيبان لما تبقى بتتعامل مع شخص مريح، قلبه عليك، طيب، صريح و واضح، ساعتها بتحس انك نايم علي الارض و حاسس براحة كده متعرفش اي حاجة عن التوتر و القلق. يعني بدل ما تخلي القلق يسيطر عليك بتكون واثق ان في شخص في ضهرك فا تفضل هادي وواثق إن كل مشكلة ليها حل، وإنك تقدر تتخطاها عشان مسنود".

اختتمت أسما شريف منير حديثها: "لما حد يهدي روحك وقلبك، بتحس إنه لمس أعمق حاجة جواك. وجوده في حياتك بيبقى زي السكوت المريح في عز الدوشة و ايقاعنا السريع، كلامه أو حتى وجوده جنبك بس، بيكون كفاية علشان تحس بالأمان والراحة النفسية، وكأن عنده المفتاح اللي بيوصلك للسكينة اللي انت محتاجها".