صبحي كابر: مستكترين عليا أركب رانج وأعيش في فيلا وقصر دا أنا بقالي 33 سنة بشتغل وبدفع ضرائب (فيديو)

تحدث صبحي كابر على أزمته في بيع محل صبحي كابر لمالك الجديد هشام الإمام، قائلا: لم أبع حوائط وأرضيات فقط بل 10 شقق منهم 5 تجاري، وجراج 93 باكية، ومول بسلم كهربائي، ودورين بالمول تجاري، ودور إداري.

وأضاف:" مستكترين عليا أركب رانج وأعيش في فيلا وقصر دا أنا بقالي 33 سنة بشتغل وبعمل خير وبدفع ضرايب، وملاك المحل الجديد 5 أخوات وكل واحد معاه 10 عيال وعاملين صفحات إلكترونية وقصة كبير جدًا". 

أزمة صبحي كابر

وفي فيديو له على صفحته الشخصية بمواقع التواصل الاجتماعي، أوضح صبحي كابر أنه باع للملاك الجدد هذا الأشياء سالفة الذكر ليس بالمبلغ المذكور من قبل الملاك الجدد، مشيرا إلى أنه باع محال بالطاقم الخاص به ويعمل، مشيرا إلى أنه سيتقدم بكافة المبايعات للضرائب، مضيفا أنهم استغلوا صفحاتهم الإلكترونية.

 

وأضاف صحبي كابر: أنا طول عمري بعمل خير ومش وحش، وكنت مانع النشر على النت، عشان فيه ناس كبيرة تدخلت لمنع إذاعة أي شيء على الإنترنت، والتزمت الصمت، وقعدت الحج مسعد وأخدت فلوسي.

وتابع: الملاك الجدد مايقعوش إلا وهما واقفين، وهقول بعت بكام، ومش بالسعر اللي قالوه، أنه بـ 120 مليون جنيه، وكمان هما فصلوا كل الطقم اللي كان شغال تبعي في المحل. 

وأكد: مش هفتح محل كباب في وصلة دهشور، زي ما بيتم الترويج، بل هفتح محل جزارة، وصاحب المحل عمل معايا واجب.