أول صورة لـ أم محمد.. المرأة التي هزت عرش صبحي كابر (صورة)

ظهرت جيهان الليثي الشهيرة بـ “ أم محمد”، لأول مرة بعد الأزمة الشهيرة التي طلتها بسبب تسببها في الخلاف بين صبحي كابر والمالك الجديد لمطعمه. 

وقالت أم محمد في تصريحات خاصة لموقع بصراحة الإخباري:" أن سيبت المحل بعد المشكلة، والمعلم صبحي كان مسافر وهما اللي عملوا المشكلة وقالولي اتكلمي معاه، لكن فجأة في يوم وليلة طلعوني كبش فداء وإني سبب المشكلة". 

وأضافت:" أنا مليش دعوة بالمشاكل دي، ومعملتش أي حاجة، ولا عملت أي حاجة للاثنين، الناس اللي اتكلمت عليا وقالت إني ست وحشة ومفترية وبتعامل معهم بشكل غير آدمي، مفيش حد فيهم مأكلتش معاه عيش وملح". 

وتابعت في انهيار:" الناس اللي اتكلمت عليا كانوا أخواتي ومتربين في مكان واحد، ومش هقول غير حسبي الله ونعم الوكيل، وأنا بالنسبالهم كنت حاجة مش كويسة علشان بقول على دا اه ودا لا". 

واستكملت: «مفيش فرد فيهم مدفعتش عنه عند ملاك المحل الجدد، لكن البعض بيعمل المشكلة، وعايز يعملني شماعة، أنا ماشية بعد المشكلة، مش أنا سبب المشكلة». 

سبب أزمة صبحي كابر

وأشارت إلى أن سبب الأزمة التي حدثت بين «صبحي كابر» وملاك مطعمه الجدد، رغبة الملاك في غلق المطعم، وتسريح العمالة الموجودة بها، لافتة إلى أنها فور علمها بهذا الأمر اتصلت بـ «صبحي كابر»، وأبلغته بالأمر.

امرأة وراء هدم إمبراطورية صبحي كابر

وكان هشام الإمام، المالك الجديد لمطعم «صبحي كابر»، قد قال بأن سيدة وراء هدم إمبراطورية صبحي كابر، وحدوث الأزمة بينهم وبينه، مشيرًا إلى أن هذه السيدة كانت ذو منصب في الإدارة، وهي السبب الرئيس في تعكير العلاقة بينهما، بعد أن قامت الإدارة بفصلها بسبب معاملتها السيئة للعمال.