عروسة مربوطة من ايديها ورجليها.. ننشر أقوال مؤمن زكريا في واقعة السحر

ننشر نص تحقيقات نيابة المقطم والخليفة الجزئية، في القضية رقم 6904 لسنة 2024 جنح الخليفة، المتورط فيها 5 متهمين في العثور على سحر مفبرك للاعب مؤمن زكريا.

واستمعت النيابة لأقوال اللاعب مؤمن زكريا ، 36 سنة، لاعب كرة قدم سابق، وقال : « اللي حصل أن لقيت واحد قريب زوجتي اسمه مصطفى كلمها وقالها إن فيه واحد جارهم اسمه محمد قاله أن في ناس لقو عمل معمول لمؤمن في المقابر عشان كان العمل معمول على صور بتاعتي وكمان كان فيه عروسة مربوطة من ايديها ورجليها ودبابيس وكان عليها طلاسم وقالولي تعالى المقابر عشان تشوف العمل قالولي احنا كنا بنحفر عشان نزرع صبارة وهناك لما وصلت قابلت الناس اللي اتمسكو وكان معاهم واحد هرب وهناك وروني الحاجة في مية بملح والورق كان دايب في ميه».

«وكان فيه صورتين وإحدى كبيرة وواحدة صغيرة عليها طلاسم والعروسة كان مكتوب عليها طلاسم والورق كان محطوط في المية ودايب بعد كده أخدنا العروسة وبقيت الورق واتخلصنا منهم وهناك كان فيه واحد بيصور والموضوع ده هناك من وقت ما أنا دخلت المقابر واستأذنته أنه ميصورش ويمسح الصور ديه ومحدش ينزل حاجة ولا ينشر حاجة وبعد كده فوجئت بتداول الصور على مواقع التواصل الاجتماعي ونشر أخبار عني اثناء وجودي بالمقابر وهو ده كل اللي حصل».

وتابع : «روحت مقابر الإمام الشافعي يوم الأربعاء 25 سبتمبر الساعة 10 مساءًا ويوم السبت تفاجأت بالصور منشورة على مواقع التواصل الاجتماعي ويوم الأحد لقيت المذيعة ريهام سعيد بتتكلم في الموضوع ده وكانت مستضيفة اللي اسمه محمد عمر ونشر الفيديو اللي كان مصوره».

وأكد اللاعب مؤمن زكريا أنه ليس له علاقة بالمتهمين وأن أحدهم يدعى محمد إمام تواصل مع أحد أقارب زوجته يدعى مصطفى وهو من أخبره بالأمر، موضحًا : «أنا رحت المقابر وقابلتهم يوم الأربعاء، 25 سبتمبر، وروحت لقيتهم مطلعين الحاجة اللي بيقولوا عليها أن معمولي عليها العمل والعروسة وحطين الورق في ميه بملح ولما روحت وروني فيديو للحاجة وهما بيطلعوها من المقابر علشان ابقى متأكد أنها فعلا كانت مدفونة في المقبرة، ولما رحت لقيت محمد عمر كان واقف بيصور الواقعة أثناء حضوري بالمقابر ودون علمي ولما اكتشفت التصوير طلبت منه يمسح الصور والفيديوهات اللي أخدها ومينشورهاش ولا يستخدمها ومطلبش مني أي حاجة وبعدها اكتشفت أنه نشرها على مواقع التواصل الاجتماعي وتم استضافته في برنامج ريهام سعيد ونشرها دون علمي وموافقتي بقصد التربح المالي والحصول على أموال مقابل التشهير بي والتربي رمضان محمد هو اللي بلغني أنه لقى الحاجة مدفونة في المقابر وحطها بمية وملح وجيت لقيت الصور بتاعتي والعروسة مكتوب عليهم طلاسم والعروسة كانت مكتفة من الأيد والرجل وفيه ورقة كان عليها طلاسم بس كانت دايبة جوه الميه بقصد إيهامي بوجود عمل مدفون بالمقابر وباقي الناس كانت واقفة أثناء وجودي بالمقابر وابن التربي بس أنا مش عارف أسمه بالكامل».

ووجه اللاعب مؤمن زكريا تهم للمتهمين بالنصب والتشهير بي على مواقع التواصل الاجتماعي عن طريق تكوين تشكيل عصابي لتحصيل مبالغ مالية من خلال تداول أخباري بمواقع التواصل الاجتماعي.

وأكد أنه أقنعوه بعمل سحر وطلبوا منه الحضور لتصويره والتربح منه من خلال عمل تسجيلات صوتية من خلال مداخلات مع الصحفيين متواجدة ومذاعة على مواقع التواصل الاجتماعي وتم نشر وإذاعة خبر على لسان المذيعة ريهام سعيد بقيام المتهمين بتصوير فيديو تم إخفائه بغرض بيعه مقابل خمسة ملايين جنيه وذلك بخلاف ما تم نشره وإذاعته وتم نشرها.