كبيرنا وسابقنا في الشغلانة.. قصر الكبابجي ينفي شائعات شراءه مطعم صبحي كابر

نفى مطعم قصر الكبابجي شراءه لمطعم صبحي كابر، وذلك بعد أن ضجت مواقع التواصل الاجتماعي بخبر إغلاق مطعم صبحي كابر، وبيع الأرض والمبنى لمالك جديد وسيتم الإعلان عن التفاصيل قريبا.

 قصر الكبابجي ينفي شائعات شراءه مطعم صبحي كابر 

وكتب مطعم قصر الكبابجي عبر صفحته الرسمية على موقع التواصل الاجتماعي “فيسبوك” :" طبعا كلنا مصدومين من اللي حصل لعلم كبير جدا من أعلام الشغلانة و يمكن واحد من أهم رواد المطبخ المصري حديثا وهو الغني عن التعريف المعلم صبحي كابر".

وتابع:" بدون الدخول في تفاصيل كتير لأن المعلم صبحي طلع و قال كل حاجة بنفسه و لكن البعض يريد بشكل أو بآخر يحط اسم قصر الكبابجي في جملة مفيدة لأغراض لا يعلمها الا الله عشان نكون سبب ضرر أو أذى ل’ي شخص كان ويشهد الله أننا عمرنا ما عملنا ولا هنعمل ده".

بيع مطعم صبحي كابر 

وأضاف:" لا يا جماعة ، مش احنا المطعم الشهير اللي يقصده المعلم صبحي ، بكل صراحة ووضوح وبدون تحوير ، لا ، مش احنا .. احنا بعيد جدا عن الموضوع ده و يمكن احنا المكان الوحيد اللي دعمنا منافسينا مرة واتنين وتلاتة هنا على الصفحة واللي متابعنا عارف كويس ف ليه طيب نلاقي ردود الأفعال عكسيه؟!".

واختتم :" على العموم مفيش أي هدف من البوست ده غير دعم المعلم صبحي كبيرنا واللي سبقنا في المجال بكتير و محاولة لإخماد نار إشاعة ملهاش لازمة هتحطنا في مكان البزنس مان الشرير بتاع المسلسلات اللي بيصحى الصبح يشرب سيجار كبير و هو لابس الروب على البدلة و يشوف هيأذي كام واحد انهارده ، كفاية دراما ارجوكم".