انفوجراف| موهوم إن مراته بتتعاكس.. 6 تصريحات نارية من محامي فرد الأمن لـ إمام عاشور

أدلى محامي فرد الأمن في واقعة إمام عاشور بعدد من التصريحات النارية، وذلك خلال جلسة المحاكمة اليوم.

وانتقد المحامي علي فايز اعتداء لاعب الأهلي على فرد أمن أحد المولات بمنطقىة الشيخ زايد، وقال المحامي في لايف موقع بصراحة:" كل شويه يعتدي على حد عشان مراته .. على كده كريستيانو يمشي بـ سلاح عشان جورجينا".

 تصريحات نارية من محامي فرد الأمن لـ إمام عاشور

وتابع :" معايا فيديو من سنة لواقعة شبه دي توهم فيها إن مراته بتتعاكس .. شايف إن مراتك جميلة حقك يا سيدي خلاص متنزلهاش من البيت".

وأضاف :" كريستيانو كده ينزل يمشي ورا جورجينا بشومة ولا إيه؟ .. فين أخلاق أبو تريكة وبيبو وحازم إمام .. فين أخلاق الرياضة ؟!".

وكشف علي فايز، محامي فرد الأمن الذي كان ضحية مشاجرة مع لاعب الكرة إمام عاشور، أن موكله توجه إلى النادي الأهلي بهدف التصالح، لكنه لم يلقَ أي اهتمام أو استجابة.

محاولة التصالح دون استجابة

وقال : "فرد الأمن ذهب للنادي الأهلي للتصالح، ولكن لم يكترث له أحد." وأضاف أن إمام عاشور كان يتحدث بتعالي خلال المشاجرة، قائلاً: "كان بيقولنا في الخناقة انتوا متعرفوش أنا مين."  

الجميع تحت القانون

وتابع المحامي بقوله: "إحنا بنقوله دلوقتي أنت مين؟! محدش فوق القانون، وكل حاجة متصورة بالصوت والصورة."

واختتم :"مفيش دليل إن مراته اتعاكـست .. عندنا مفاجآت هنقدمها للمحكمة لأكثر من واقعة توهم فيها اللاعب إن زوجته بتتعاكس ومحصلش".
 

ووصل منذ قليل فرد الأمن الذي اعتدى عليه لاعب النادي الأهلي إمام عاشور إلى المحكمة لحضور أولى جلسات محاكمة اللاعب بتهمة الاعتداء عليه.