وفاة سيدة ببورسعيد دهسا تحت عجلات سيارة أمام عملها

واقعة مأساوية شهدتها محافظة بورسعيد حيث لقيت أم مصرعها دهسا في حادث سيارة بعدما تركت عملها من أجل إنقاذ ابنتها.
 

وتداول رواد مواقع التواصل الاجتماعي فيس بوك قصة السيدة وجاءت كالأتي:- 

ام اسمها هناء من بورسعيد بتشتغل فى الاستثمار عندها بنت فى مدرسه ثانوي البنت تعبت جدا فطلبت من الوكيله يتصلو بخالتها وده لان البنت عارفه أن والدتها صعب جدا تعرف تيجى وان الخالة هى اللى بتروح مع البنت للدكاترة وبتابع معاها بسبب شغل الام .

المهم المدرسه اتصلوا بالام وقالو لها بنتك تعبانه  الام طبعا انهارت من البكاء وطلبت من #مشرف عليها فالشغل أن تروح لبنتها بس هو رفض وقالها كملى شغل الام اتصلت باختها وقالت لها روحى المدرسه بنتى تعبانه فالخاله جرت ع المدرسه وفضلت واقفه ع الباب تترجاهم تدخل لبنت اختها بس هما رفضو والمديرة قالت لاما مامتها أو بباها الام تتصل تترجاهم دخلو اختى لبنتى برضه رفضو تترجى فالمشرف برضه رافض فسابت الشغل وجرت ع بنتها دخلت لها طلبو منها فالمدرسه تعملها جواب مرضى الام اخدت بنتها وخرجت كانت اختها برا فقالت لها سيبي البنت انا هعمل كل حاجه وروحى شغلك طبعا الام ماشيه منهارة وحاسه بقهر من المشرف اللى رفض خروجها ومن المديرة اللى مكانش عندها رحمه وصممت تمشى اللوايح والقوانين بالرغم من تاكدها إن دى خاله البنت ومعرفتها بظروف الام .

الأم وهى راجعه مجبورة لشغلها عربيه خبطتها وماتت وهى موجوع قلبها ع بنتها وحاسه بقهرة  من المشرف والمديرة .

ياترى الاتنين دول لما عرفوا أن هناء ماتت حاسين بايه؟ فرحانين بتطبيقكم للوايح ؟ طب اللوايح دى بتطبق ع الكل ؟ هناء ماتت وسابت بنت فى ثانوى وولدين فى إعدادى كانت هى ليهم كل حاجه حق هناء عند مين ؟