انفوجراف| بصرف على 3 بيوت ومبطلعش أشحت.. زوجة عصام صاصا تستغيث بسبب انتقادات ظهورها على السوشيال ميديا

ردّت جهاد، زوجة مطرب المهرجانات عصام صاصا، على الانتقادات التي طالتها عقب ظهورها على مواقع التواصل الاجتماعي بعد الحكم على زوجها بالسجن بتهمتي التزوير والقيادة تحت تأثير المخدرات.

زوجة عصام صاصا تستغيث

نشرت جهاد مقطع فيديو عبر خاصية "ستوري" على حسابها في إنستجرام، قائلة: "الكلام بيفرق في النفسية سواء حلو أو وحش، وبلاش كلامكم السخيف. 

وتابعت :"أنا عندي أهل وابن، وجوزي كان مخليني مش محتاجة أي حاجة، وأنا برضو هخليه مش محتاج حاجة، وهموت نفسي شغل ليل نهار علشان أي حاجة جوزي يطلبها تبقى موجودة".

توضيح لمصاريف الأسرة

وتابعت جهاد في ردها على التساؤلات حول وضعهم المالي: "بلاش تقولوا هي الفلوس اللي معاكم راحت فين.. في فلوس محامي، وفلوس دية اتدفعت في 4 شهور، وكان حالنا واقف. 

وأضافت :" عندنا 3 بيوت مفتوحين والرجال في البيت مش موجودين، قدروا ده. أنا مبطلعش أشحت أو أقول لحد هات جنيه، أنا بطلع اشتغل".

زوجة عصام صاصا ترد على الانتقادات

وأشارت جهاد إلى حضورها لعزاء قبل يوم، وقالت: "أنا امبارح رحت عزاء وعملت الواجب، وبعد كده نزلت شغل وطلعت لايف مع صحابي، ده مش معناه إني مش زعلانة. بعيد عن إنها صاحبتي، أي حد هيشوف حادثة زي دي هيتأثر وهيزعل، وأنا براعي حرمة الميت وظروف صاحبتي، بس أنا برضو ظروفي بتخليني ملزمة أنزل الشغل".