قرأ آيتين اتلغبط فيهم 3 مرات.. تصريحات قوية من عمرو أديب بعد القبض على التيجاني

هاجم الإعلامي عمرو أديب، الشيخ صلاح التيجاني، بعد اتهامه بالتحرش بإحدى الفتيات، خلال الأيام الماضية. 

وقال "أديب" خلال تقديم برنامجه "الحكاية" المذاع على فضائية "إم بي سي مصر" مساء اليوم الجمعة، “ التيجاني ده مش حافظ القرآن وقرأ آيتين اتلخبط فيهم ٣ مرات”.

وأضاف عمرو أديب: “ بعد ما البنت اتكلمت.. ستات كتير قالوا إن الشيخ التيجاني اتحـ .رش بيهم.. ناس بتفـ .جر الموبايلات واحنا لسه بنجري ورا الشيوخ.. هنتقدم ازاي!؟”.

وتابع "وهذا الأمر يجب أن يستقيم بنتكلم على واحدة قالت أنه هو تحرش بها لفظيًا وجسديًا وفيه آخريات سوف تتقدم أيضًا ببلاغات، أنه ازاي سايبين عقلكم كده إحنا عمرنا ما نتقدم وناس عاملة تبني متفجرات في موبيلات، إحنا مولدينا فيها ايه وأنتوا عارفينها ومش عايزين تواجهوا نفسكم بها".

وأردف "أنا عارف أن فيه ناس هتزعل ويقولوا دول ليهم كرامات وعلامات، التصوف شيء آخر وفيه شيوخ أفاضل محترمين بس طبعا فيه انحراف والخروج عن القرآن والسنة وهذا الأمر يجب أن نواجهه كلنا، الفلوس اللي بتتصرف على هذا الأمر تفتح مدارس ومستشفيات".

 وأشار أديب أن  حلقات الفتة واللحمة والهوبر بيكون جواها الموبقات كلها وأنا مش عايز اتكلم، متابعا الموالد فيها حاجات كتير وانتوا عارفينها ومش عايزين تواجهوا نفسكم بيها، مؤكدا أن الفلوس اللي بتتصرف على الشيوخ تفتح مدارس ومستشفيات.