الراقصة دينا: لو ابني عايز يخوض تجربة المساكنة هقوله ربنا يوفقك

تحدثت الراقصة دينا عن رأيها في خوض ابنها تجربة المساكنة، مشيرة إلى أنها لن تمانع ذلك، خاصة وأنه ولد لا عتاب عليه ولكن اذا كانت فتاة فكان موقفها سيكون بشكل مختلف وسيقوم بتعنيفها.

الراقصة دينا تكشف إمكانية خوض ابنها تجربة المساكنة 

وقالت الراقصة دينا: ربنا يوفقه، وهقوله روح طبعًا يا حبيبي، ولكن هتضايق لو أنا أم البنت وهعنفها، ولكن ده ولد يعمل اللي يعمله.

وكانت قد تحدثت دينا في برنامج اسمع من دينا عن الرقص الشرقي، قائلة: الرقص علامة كل بلد يعني تقول تقول سامبا تلاقي البرازيل، تقول باليه يعني روسيا أما تقول رقص شرقي يعني مصر، وهكذا فأنا بقول لأي حد اوعوا تتنازلوا عن فنكم، الرقص الفن الحقيقي بتاع البلد وهو فن جميل كل العالم بيحترموه.. بيقولوا الرقص مش فن ومش عارفة هو ليه الحاجة والصناعة المصرية وحشة وأول ما بتيجي من برة بنقول عليها واو.

دينا تكشف رأيها في الراقصات الأجانب 

وقالت دينا في تصريحات تليفزيونية أيضا: لو هتكلم عن افضل الراقصات الأجانب فأنا أكيد هختار الناس اللي انا جبتهم ودربتهم على أيدي تلامذتي زي أوكسانا دي من أفضل الراقصات حاليا وأنا اللي مدرباه من وقت ما كانت في روسيا وجبتها معايا مصر هنا، أما بدرة عندها قبول وجميلة وروحها حلوة وبتخطف الجمهور لكن هي أقل الرقصات الشرقية في الراقصات الأجانب، جوهرة بنت جميلة جدا وشكلها حلو أوي لكن متنفعش رقاصة هي مبتعرفش ترقص خالص ولا تعرف حاجة عن الرقص حتى هي قدمت في برنامج الراقصة وأنا رفضتها هي حلوة بس مش رقاصة.

دينا تكشف عن عدد زيجاتها

وكانت قد تحدثت دينا عن عدد زيجاتها، قائلة: أكتر واحد حبيته وأنا صغيرة جدا وأتوفى وأنا عندي 15 سنة، اتخطبنا وعملت خطوبة ولبست فستان أبيض قصير عندي صوره، كان أخو هادي الجيار كان اسمه طارق الجيار الله يرحمه، دا أول وأهم حب في حياتي، وأنا اتجوزت 9 مرات، مش رقم مفزع تحية كاريوكا اتجوزت 13 مرة، معنديش مانع أتجوز، بستغرب من اللي بيقول مش هعمل كده تاني تعرف منين الدنيا هتوديك فين، أنا مكنتش مخططة إني أتجوز 9 مرات لو عليا لأ، أصحابي لما واحدة تطلق بمنعها.

واختتمت: أنا رومانسية جدا، بس الحب مش موجود أنت بتخلقه، مفيش حاجة اسمها حب أنت اللي بتبقى عايز تعيش في حالة حب فبتعيش اللحظات السعيدة اللي بتديها لنفسك لحد ما البلونة تفرقع، الحب اللي من أول نظرة دا في المسلسلات التركي.