شريف عامر يهاجم المدارس المصرية: الأولاد لما كانوا بره مصر كان يطلبوا مننا 3-4 علب مناديل وفي آخر السنة بيرجعوا باق المناديل

علق الإعلامي شريف عامر، على الجدل المثار على مواقع التواصل الاجتماعي بشأن أسعار الأدوات المدرسية «السبلايز»، والتي تطلبها المدارس من التلاميذ.

وكشف عامر، في مداخلة هاتفية ببرنامج «الحكاية»، عبر قناة «mbc مصر»، مساء الخميس، عن تجربته مع «السبلايز» خلال دراسة أبنائه خارج مصر، واصفًا الأمر أنه كان بمثابة الصدمة الحضارية بالنسبة له.

وقال: «لما الأولاد كانوا في مدارس بره مصر، كان مثلا يطلبوا مننا 3-4 علب مناديل، وفي آخر السنة، يندهوا علينا عشان يرجعوا لينا باقي المناديل، سلموني كيس في 10 ولا 20 منديل، ويقولك دي المناديل اللي فضلت من استخدام أولادك».

وأضاف: «والأقلام الرصاص لازم تروح المدرسة مبرية، هناك مش بيبيعوا أقلام الرصاص مبرية، مش عارف ليه؟! وفي آخر السنة يرجعوا بواقي الأقلام المستخدمة».

وتابع عامر: «الفكرة إنهم يقولوا لولي الأمر إننا استخدام هذه اللوازم واللي لم يتم استخدامه رجعلك تاني، لأن كان في أولياء بيتكلموا عن المبالغة في الكميات المطلوبة، أنا مش عارف أي مدرسة في مصر بتعمل الكلام ده».