«أصعب يوم حصلي في حياتي».. رسالة مؤثرة من نجم الإسماعيلي للراحل إيهاب جلال

علق محمد بيومي، لاعب فريق الإسماعيلي على وفاة إيهاب جلال المدير الفني للدراويش، والذي وافته المنية أمس، إثر تعرضه لوعكة صحية. 

وقال بيومي على حسابه الشخصي عبر موقع التواصل الاجتماعي إنستجرام: بعد اللي أنا شوفته النهاردة ويمكن دا أصعب يوم حصلي في حياتي، أنا عاوز أقول للناس اللي بتهتك عرض الناس وتبوظ سمعتهم وشرفهم والله والله والله الكورة مش دايمة لحد، ولا عمرها هتكون ليها قيمة غير أنها أكل عيشك، لكن اللي بيدوم السيرة الحلوة والمحبة والأدب والاحترام والاخلاق قدام الناس، أنا عاوز أقول للناس أنا اتعاملت مع أنجح وأجمل شخصية مدرب في مصر وكنت محظوظ أوي ومش عارف أنا هقدر أتعامل مع أي مدرب ثاني ولا لا، لإني فعلا مش قادر أعبر عن الحزن اللي جوايا على الكابتن، ومش عارف أنا ممكن أقدر أعدي الفتره دي وأتأقلم على الوضع ولا لا.

وتابع: الموضوع صعب أوي يا جماعة ومحدش هيتخيل اللي احنا حاسين بيه، احنا كنا بتتعامل مع أب مكناش بنتعامل مع مدرب، والله العظيم أنا مش قادر استوعب ازاي الكابتن سابنا ومش هنشوفه تاني، أنا حقيقي مش هقدر أستحمل بعده عننا خلاص، وأنا عارف أنه قدر ربنا وأجله، بس أنتو عمركو ما هتكونو مكان اللاعيبة، واللي هتمر بيه الفترة الجاية.