شقيق إيهاب جلال لـ بصراحة: الكرة في مصر عايزه حد زي حسام حسن بيكسر الكراسي ويشتم في الناس

كشف الشقيق الأكبر لإيهاب جلال، منذ قليل مفاجآت من العيار الثقيل، عن شخصيات شقيقه الراحل، بعد وفاته المفاجئ. 
وتوفي إيهاب جلال مدرب الإسماعيلي ومنتخب مصر الأسبق، عن عمر يناهز 57 عامًا اليوم الأربعاء، بعد صراع من المرض عقب تعرضه لوعكة صحية مفاجئة في الأسابيع الماضية. 
وقال شقيق إيهاب جلال في تصريحات خاصة لـ موقع بصراحة الإخباري:"إيهاب جلال كان من النوع الهادي جدًا ومش بينفعل وبيكتم في نفسه ودا يمكن يكون سبب من أسباب وفاته". 

وأضاف:" إيهاب جلال اتعرض للظلم أيام المنتخب أيوة بس هو كان خايف على الإسماعيلي إنه يهبط". 

وتابع:" أحسن فترة لإيهاب جلال لما كان في مصر المقاصة لكنه أتظلم في الزمالك واتضغط ولاعيبة الزمالك في ماتش الاتحاد السكندري باعوه". 

واختتم:"الكرة في مصر عايزه اللي زي حسام حسن بيقدر يكسر الكراسي ويشتم الناس لكن إيهاب جلال كان كتوم ومش بينفعل".