زوجة عصام صاصا تكشف حقيقة طلبها خلوة شرعية بزوجها بعد حبسه
![عصام صاصا وزوجته عصام صاصا وزوجته](https://media.besraha.com/2024/9/large/27491651836647202409091143524352.jpg)
نفت جهاد أحمد زوجة مطرب المهرجانات الشعبية عصام صاصا، الاخبار المتداولة عن طلبها لـ خلوة شرعية مع زوجها في السجن، ذلك بعدما حكم عليه بسجن سنة.
نشرت زوجة عصام صاصا فيديو لها على حسابها الشخصي بموقع التواصل الاجتماعي تبادل الصور والفيديوهات الانستجرام، قائلة:«من اربع أيام انتشر عني أخبار بإني طلبت عصام صاصا في خلوة شرعية في السجن لكن كل الاخبار دي كذب ومش حقيقية ومحصلتش أنا بقالي كتير مشوفتهوش فطلبنا انا ووالدته تصريح زيارة مش زي ما الناس نزلت».
وأضافت:«ليه التشهير بسمعة الناس أنا طلبت تصريح زيارة وهاخد إجراء قانوني ضد اللي عمل كدة، واي اخبار اتنشرت عني كذب هيبقى بيني وبينهم القانون، أنا مش عارفة أنا اذيت مين عشان يتكلم عني وحش كدة أو ينشر الاخبار دي عني، لكن أنا بقول تاني أنا واقفة جنب جوزي وهفضل واقفة جنبه طول العمر ومش هسمح لأي حد يجب سيرته بحاجة وحشة ولا حد يغلط فيا وفي سمعتي».
الجدير بالذكر أن عصام صاصا اتحكم عليه سنة سجن في قضية دهس شخص على دائري، وأيضا حكم عليه 6 أشهر في قضية تزوير توكيل عقاري لمحاميه الخاص.