محمد سامي يكشف مصير الجزء الثاني من «جعفر العمدة»

كشف المخرج محمد سامي عن حقيقة تقديم الجزء الثاني من مسلسل «جعفر العمدة» بطولة محمد رمضان، ذلك بعد النجاح الكبير الذي حققه وقت عرضه في السباق الرمضاني 2023م.

قال محمد سامي في لقاء تليفزيوني له :«جعفر العمدة 2 مشروع عشان يتعمل لازم يدرس جدا جدا، مينفعش أغامر بنجاح جعفر العمدة 1 وادخل اعمل 2 بلا دراسة، جعفر العمدة مسلسل مهم ومن أهم المسلسلات اللي حصلت في الفترة الأخيرة، مش برأيي أنا كلكم عارفين ونجح نجاح كبير في الوطن العربي كله، المسلسل دا لازم يتعمل بحساسية رهيبة ولازم نركز كويس اوي أننا لو هنعمل جعفر العمدة 2 نفكر هيتعمل ازاي عشان ينجح أكتر من الجزء الاول».

وسبق وأن تحدث المخرج محمد سامي عن نجم الجيل تامر حسني ووجه محمد سامي رسالة لـ تامر حسني كشف من خلالها عن مساندة تامر حسني له في بداياته الفنية من خلال دعمه في مسلسل آدم الذي يعد أولى أعمال المخرج محمد سامي وكان من بطولة تامر حسني وحقق وقتها المسلسل نجاحًا ضخمًا، وأعرب محمد سامي في رسالته عن سعادته بصداقة تامر حسني وفخره به وببقائهم سويًا، ونوفر في السطور التالية حديث محمد سامي عن الفنان تامر حسني.

وكتب محمد سامي في منشور له عبر فيسبوك: “وَلَا تَنْسَوُا الْفَضْلَ بَيْنَكُمْ و أنا قاعد إمبارح في التصوير افتكرت الرحلة و الشقي و التعب من أول عمل لحد العمل اللي بصوره دلوقتي وافتكرت صعوبة الحصول علي فرصة عشان الواحد يثبت نفسة و يحقق أحلامه، فطبعا افتكرت أخويا وصاحبي الجدع الطيب الخلوق اللي دعمني من أول لحظة و كان سبب في اللي أنا فيه دلوقتي، تامر قدملي كل الدعم والحب و الامكانيات اللي خلتني اثبت نفسي وبالذات في وقت كان صعب الشباب ياخد في الدراما فرصة بحجم مسلسل آدم".

 الجدير بالذكر أن محمد سامي شارك في السباق الرمضاني الماضي من خلال مسلسل «نعمة الافوكاتو»، وكان يشارك في بطولته عدد كبير من النجوم والنجمات، منهم: مي عمر، أحمد زاهر، أروى جودة، وغيرهم.