ميكب آرتيست عروس كفر الدوار: العريس عايز يطلع تريند وهو بيرجع الإكسسوارات تاني يوم قالي منزلتوش الفيديو ليه ؟!

ردت ميكب ارتست عروسة كفر الدوار على العريس الذي ادعى انه تم نشر الفيدوهات الخاصة به وبعروسته دون علمه، قائلة العريس تاني يوم لما جه يرجع الإكسسوارات قالي منزلتوش الفيديو ليه.

وأضافت الميكب ارتست أن العريس عايز ياخد تريند، وطالع يتمسكن وهو دافع طلبات باكيدج غالي ودفع عادي.

 
وتابعت انا معروفة ومش محتاجة منه التريند ومنزلة الفيديو بإذن من العريس والعروسة.

كما رد صاحب الكوافير على عريس كفر الدوار الذي ادعى انه تم النشر دون علمه، قائلا العريس دفع أغلى ميكب وبيقول مش عارف اشتري بدلة.

وتابع صاحب الكوافير في لايف موقع بصراحة العريس لما جه يحجز قال احنا عايزين نطلع تريند .. وأول ما جه ياخد عروسته والعروسة كشرت قالي صور ياعم صابر يلا.

وأضاف أول ما دخل العروسة كشرت وهو بيقول صور يا عم صبري ..بيقول صورني عشان عايز الفيديو ينزل عشان يطلع تريند وانا منزلتوش ومرضيتش أنزله عشان ملامح العروسة ومعايا المحادثة والصور والفيديو.

كواليس الفيديو

الميكب آرتيست الخاصة بالعروس، أسماء صبري، خرجت لتوضح حقيقة المقطع المتداول، مشيرة إلى أن الفيديو أعطى انطباعاً خاطئاً عن الموقف. وأكدت أن العروس لم تكن مغصوبة على الخطوبة كما أشار البعض، ولكن اللحظة التي ظهرت في الفيديو كانت نتيجة سوء تفاهم بسيط، لم يعكس الواقع.

وأكدت أن العروس متقبلة تمامًا لخطيبها وتحبّه، إلا أن ما حدث هو مجرد لحظة مفاجأة بسبب حضوره بملابس كاجوال، على عكس ما كانت تتوقعه بارتدائه بدلة رسمية، وأيضًا لعدم إحضاره باقة الورد كما كان متفقًا عليه.

الموقف كان لحظيًا وسرعان ما انتهى  

وأكدت أسماء أنها قامت بنشر الفيديو بموافقة العروسين، وأن تلك اللحظة من الغضب كانت سريعة وانتهت بسرعة. وأضافت أن العروسين ظهرا لاحقًا خلال حفل الخطوبة وهما في غاية السعادة ويرقصان معًا.