مالحقتش تتهنى.. فسخ خطوبة سوزي الأردنية
![سوزي الأردنية سوزي الأردنية](https://media.besraha.com/2024/8/large/2749165183664720240827030123123.jpg)
أعلنت التيك توكر سوزي الأردنية انفصالها عن خطيبها طارق وذلك بعد خطوبة شهر .
قالت سوزي الأردنية في فيديو نشرته على تيك توك:«مش أول ولا آخر اتنين ينفصلوا محصلش نصيب، في ناس بتحب بعض وفي الآخر ميحصلش نصيب، ولا حد يطلع يعمل فيديوهات عليا ولا حد يعمل فيديوهات عليه، ويفضل يتكلم ويقول كنا متوقعين وكنا عاملين».
وأوضحت سوزي الأردنية:«شوية مشاكل بين الأهل فرقتنا عادي مفيش أي مشكلة، ربنا معاه ومعايا وربنا يسعد كل واحد في حياته، أنا طلعت اعمل الفيديو علشان لو شفتوه في اي مكان تاني مع حد غيري، لو أنتوا شوفتوه محدش ييجي يقولي، احنا خلاص مش لبعض».
وتابعت سوزي الأردنية:«كل واحد راح لحاله وأنا هقفل كام يوم التيكتوك علشان أنا عايزة ارتب كام حاجة في حياتي، أنا الفترة دي مضغوطة وعندي كام حاجة في حياتي عايزة تترب وكمان تعبانة».
وأنهت سوزي الأردنية:«أنا مش ناقصة شماتة ولا عايز يتكلم، لأن ده كان حب 5 سنين والموضوع مش سهل خالص، كل واحد يخليه في حاله».
وفي وقت سابق، تصدرت البلوجر سوزي الأردنية التريند بعد إعلان موعد خطبتها على الشاب الذي يدعى طارق، والتي دائما ما تظهر معه في مقاطع الفيديو خاصتها.