الغندور يوجه رسالة نارية إلى «زيزو»: اللي عايز يبقي اسطورة لا يشترط علي النادي اللي عمله تاريخ

وجه خالد الغندور نجم الزمالك ومنتخب مصر السابق، رسالة قوية إلى أحمد سيد «زيزو» لاعب الفريق الأول لكرة القدم بالقلعة البيضاء.

وكتب خالد الغندور عبر حسابه على موقع التواصل الاجتماعي «فيس بوك»: «زيزو لاعب كبير ووالده من حقه يبحث عن مصلحته المادية حتي لو رايح درجة ثانية في السعودية والزمالك من حقه إنه يقدر زيزو بأقصي مبلغ مناسب للزمالك»

وأضاف: «لو والد زيزو شايف إن ده مبلغ غير مرضي يبقي يروح للمبلغ المرضي، والزمالك يبيع زيزو ويشتغل على بناء فريق مش إرضاء لاعب واللي عايز يبقي أسطورة ويبني تاريخ لا يشترط على النادي اللي عمله تاريخ واسم بدفع مبالغ فوق قدراته المالية عشان يقبل البقاء».

وتابع: «على مجلس الإدارة أن يكون واضح ويشرح التفاصيل عشان الجمهور يبقى على نور خطوة بخطوة وفي النهاية الزمالك وجمهوره هما النجوم وهما اللي بيعملوا النجوم».

ومن المقرر أن ينتهي عقد أحمد سيد «زيزو» مع الزمالك بنهاية الموسم المقبل، لكن لم يتم تجديد تعاقده حتى الآن.