عمر كمال عن وفاة والده: «وجود جزمته قدام باب البيت كان أمان»

تحدَّث مطرب المهرجانات عمر كمال عن والده الراحل، موضحا أن وجود والده كان يشعره بالأمان، وأن الحياة ضاقت عليه بعد وفاته.

أضاف عمر كمال خلال مقطع فيديو نشره عبر حسابه على «إنستجرام»: «الدنيا داست على وشي لما أبويا مات، السور اللي كنت متحاوط بيه اتنسف، وحصل حاجات كتير بقول لو أبويا كان عايش مكنتش هتحصل أبدًا».

تابع: «دايما كنت بقول طول ما جزمة أبويا عند باب البيت أمان، صوته كان أمان، الأب سواق الأتوبيس اللي مينفعش ينام، أنا بشوف الأب مش واخد حقه، الأب هو اللي بيشوف وبيعاني ومينفعش يقول آه، أو يعيط وينحني قدام عياله».