«من أول قاضية الزمالك».. سيد عبد الحفيظ عن هدف أفشة: «بينه وبين ربنا حاجة كويسة»

قال سيد عبدالحفيظ مدير الكرة السابق بالنادي الأهلي، انسحاب الزمالك أمام الأهلي فاد المارد الأحمر جدًا في مشوار التتويج بلقب الدوري هذا الموسم، ريحته وفصلته ونقلته في حته تانية خالص.

سيد عبد الحفيظ عن هدف أفشة: «بينه وبين ربنا حاجة كويسة»

وأضاف عبدالحفيظ في تصريحات تليفزيونية خلال برنامج اللعيب المذاع على قناة إم بي سي مصر: «أفشة بينه وبين ربنا حاجة كويسة جدًا، سجل في القاضية ممكن أمام الزمالك، وأيضًا سجل في فوز الأهلي على بيراميدز 3-2، ومباراة الدوري أمام سموحة، ومباراة سيراميكا كمان اللي كانت واحدة من المحطات المهمة جدًا، وسجل في مباريات مهمة».

وأكمل: «كمان المباريات دي ساهمت أن الأهلي يبقى مركز في المباريات اللي بعدها ومعنوياته بتبقى مرتفعة جدًا، الموضوع ليس 3 نقاط فقط».

وأردف سيد عبدالحفيظ: «أفشة يستاهل هدف النهاردة، وهو شخص أبيض من جوه، ولكن الكرة استمرارية كل يوم بتحط تارجيت لنفسك».