من الأتوبيس لـ الرولز رويس.. محمد رمضان محتار بين الشهرة و"أيام زمان"

أثار الفنان محمد رمضان الجدل خلال الساعات الماضية بعدما نشر عبر حسابه الشخصي، صورة على موقع تبادل الصور والفيديوهات، خلال جولته للاستمتاع بإجازته الصيفية.

 وكتب محمد رمضان على الصورة: زمان كنت أنا وأصحابي بننزل شط مجاني كان زحمة بس كنت في قمة سعادتي بضحك وألعب معاهم، النهاردة تقريبًا بقعد على شط لوحدي بس ما بضحكش زي زمان ولا بلعب زي زمان، علشان كدة لو خيرتني بين زمان ودلوقتي هختار دلوقتي.

من الأتوبيس لـ  الرولز رويس

وفي منشور سابق تذكر محمد رمضان أيام طفولته، وكتب على إنستجرام: وأنا رايح المدرسة أيام الثانوية العامة كنت بقف نفس الوقفة مستني أنط في الأتوبيس وهَو بيجري لكن كنت مبسوط وبضحك من كل قلبي النهاردة واقف مستني الرولز رويس لكن مهموم ومش بضحك زي زمان بصراحة لو خيروني بين دلوقتي وزمان هختار دلوقتي ربنا يديمها نعمة.