إبراهيم فايق بعد خسارة منتخب مصر بسداسية: إحنا ناس بنشتغل اليوم بيومه.. والرزق على باب الله

علق الإعلامي إبراهيم فايق، على خسارة منتخب مصر بسداسية من نظيره المغربي، في المواجهة التي جمعت بينهما ضمن منافسات تحديد المركز الرابع بأولمبياد باريس 2024. 

وتعرض الفراعنة تحت قيادة البرازيلي روجير ميكالي بسداسية نظيفة، ليفشل منتخب مصر الأولمبي في حصد الميدالية البرونزية على الأراضي الفرنسية. 

وقال إبراهيم فايق:" ‏خسارة كارثية فرق واضح في كل حاجة إحنا ناس بنشتغل اليوم بيومه.. والرزق على باب الله.. بنفرح باليومية اللي نخدها وبنكسل نشتغل تاني يوم ما هي بتيجي بالجدعنة والفهلوة.. أخطط ليه وارتب ليه واشتغل قبلها بسنين ليه؟!!". 

وأضاف عبر منشور له على موقع التواصل الاجتماعي" فيس بوك":" ‏دي أقصى حاجة ممكن تتعمل في حالة اللاتخطيط دي.. جهود فردية من اللعيبة أحيانا.. رغبة تزيد وتقل.. نجاح مدرب بشكل أحادي جدا في ظل مقاومة لكل طلباته.. يعني إنت في حالة العبث دي اخدت كل حاجة تقدر تاخدها". 

وتابع:"مستحيل تقدر تنافس المنظومة الجماعية اللي عندها خطة وأهداف واضحة وشكل ونشأة معينة بيوصل أعلى رتم فيها في البطولات الكبيرة علشان كده بكل تقدير ببارك للمنتخب المغربي.. حقهم وعن جدارة". 

واستكمل:" ‏واحنا خلينا واقعيين مش هيبقى معندناش ونتساوى باللي اجتهد ونظم ورتب لنفسه من سنين.. حزين علشان اللاعيبه بتاعة منتخب مصر الأوليمبي دي والجهاز تعبوا جدا وكانوا يستحقوا ختام أفضل بس مستوعب أنهم اشتغلوا في لا منظومة موجودة من زمان بلا أي نظام.. فالعيب مش هيبقى عندهم أبدا".