أمير عزمي مجاهد: كهربا كان أهلاوي في الزمالك.. ومفيش نادي في مصر عنده مبادئ

يرى أمير عزمي مجاهد، نجم الزمالك السابق، أن منظومة الكرة في مصر "فاشلة" ولا تعترف بالتخصص.

قال عزمي في تصريحات عبر بودكاست من الجول للجول مع الإعلامية دينا الإدريسي: «منظومة الكرة في مصر منظومة فاشلة، لا يوجد نظام، وهناك تضارب مصالح، ولا نعترف بالتخصص». 

وتطرق أمير عزمي للحديث حول حقيقة اتجاه كريستيان جروس مدرب الزمالك الأسبق لشرب الخمر قبل المباريات وقت تدريبه للزمالك قائلا: «مفيش الكلام ده، الراجل أجنبي وقاعد في فندق إقامته وعادي، الناس بالنسبة لها برا، دي ماية عادية، هي حياتهم كدة، ولا عمره قدامنا في معسكر شرب حاجة لكن وقت لما بيكون في فندق إقامته أو بيته ده راجل أجنبي ودي حياته».

وبشأن إمام عاشور قال: «99% من لاعيبة الكرة في مصر تصطنع تشجيعها، مش إمام عاشور بس، مفيش فريق بيقف على لاعب، ومبادئ أهلي ايه احنا مش في حصة تربية فنية، مفيش نادي عنده مبادئ، فيه نظام للنادي فقط لا غير، وكهربا طول عمره كان أهلاوي من وهو في الزمالك وكان معروف إنه أهلاوي، فمفيش لاعب كورة في مصر بيشجع بشكل حقيقي لو جاله قرشين زيادة هيروح».