«نصب عليا وخد مني 10 ملايين جنيه» VS «الجواز مش بالعافية».. وصلة «ردح» بين حسام حبيب وشيرين عبدالوهاب

حالة من الجدل والتطورات تشهدها قضية شيرين عبدالوهاب وحسام حبيب خاصة بعد استغاثة شيرين بالجمهور من حسام ، مشيرة إلى لإلى أنه كان يسعى لتدميرها نفسيًا وجسديًا، والقضاء عليها وعلى صوتها للأبد

كما وجّهت اتهامات له بالسرقة وتداول الجمهور صورة من تحويل مبلغ مالي له خلال الفترة الماضية، بقيمة "200 ألف دولار.

شيرين عبدالوهاب: حولت لحسام 10 ملايين جنيه وخد مني عربية وساعتين روليكس 

وقالت شيرين عبد الوهاب، فى تصريحات صحفية:"أنا بستغيث من الناس بصفي أم لدي ابنتان أريد أن أفك رقابتهم من حسام حبيب، وأنها تضطر أغلب الوقت للصمت بسبب تهديده وابتزازه وسيطرته الكاملة على ابنتى خصوصًا خلال الفترة الأخيرة، وأنا حولت حسام حبيب مبلغ قدره 10 ملايين جنيه، وأنها قضت الفترة الماضية من حياتها بين البكاء والخوف، وحسام واهد مني عربية رانج روفر ماركة 2008 باعها وكمان ساعتين روليكس، وكسر الخزنة بتاعتي اللي كانت في شقة في كومبوند، وطلّع منها التنازلات الخاصة بقضية شركة روتانا حتى دهبي كله خده مني".

حسام حبيب يرد على تصريحات شيرين عبدالوهاب

ومن مبدأ حق الرد، تواصل ET بالعربي، مع حسام حبيب، للرد على حديث شيرين عبد الوهاب، وقال: "طبعا أنا خجلان من كل اللي بيحصل، ومش عارف أقول أية عن اللي بيحصل، بس والله العظيم أنا بريء من اللي بيحصل، ممكن يكون دا حصل عشان خاطر هي بتحاول تتصل بيا بقالها يومين تلاتة وأنا مبردش عليها، الورقة اللي شيرين بتقول بيها أنها حولت ليا مبلغ مالي، مكتوب فيها غرض التحويل لزوج، فأول حاجة كدا هو أنا زوجها !!، ثانيا حتى لو كنت الزوج وهي بتدلعني بالمبلغ دا إزاي تخرج تقول أني عايز أموتها، يا هي بتكدب لما قالت اننا اطلقنا يا هى بتكدب على البنك وقالت أني زوجها وحولتلي".

كما شارك حسام صورة من هاتفه لـ ET بالعربي، قائلا:"شيرين عبد الوهاب دمها بقا تقيل والمرة دي بجد هحبسها، وهي خرجت النهاردة وقالت الكلام دا لأنها عمال تتصل بيا لحد إمبارح بليل عشان نرجع لبعض، وأنا مبردش عليها، عشان انا رافض نرجع تاني بعد كل اللي حصل أخر مرة لما الأمر وصل للنيابة والحوار كبر، وفي الأخر عشان أنا زهقت عملتلها بلوك".

حسام حبيب: الموضوع مش بالعافية وأنا عايز أتحرر من السجن دا 

وأضاف:"الموضوع مش بالعافية أنا مش عايز أرجع، وأنا اللي في سجن وعايز أتحرر منه، أنا اللي تعبت وأستحملت إهانات بقالى سنين على حاجات محصلتش، وعمري ما أشتكيت ولا أتكلمت ولا دفعت عن نفسي عشان ميطلعش شكلها وحش، بس خلاص كدا أنا فاض بيا، وكل حاجة هتتقال للناس زي ماحصلت بظبط، أنا عمري ماطلعت أسرار حد برا ولا عمري ماكنت هعمل كدا، بس خلاص أنا أضطريت لكدا، الحياة مش بالعافية أنا مش عايز أرجعلها، وأنا اللى بستنجد بالناس وبقولهم نجمتكم الكبيرة اللى بتحبوها من سنين كتيرة، عايز أبعد عنها ومش عارف، أتصرف إزاي وأستنجد بمين، وأنا بدعي ربنا قدامكم أهو يارب عايز أبعد عنها يارب ومش عارف أعمل أية، أنا تعبت بجد وسنين من الظلم والأهانة وبسكت ومبردش، وكل الكلام اللي كانت بتقوله غلط كله، هو في حد يكون ضارب حد وفتحله دماغله، ويعتذرله عادي، وقبلها كنت حالق شعرها وتعتذرلي عادي، ويرجعله تاني، هو حاجة اسمها كدا، بتقول عشان بهددها!! بهددها بإية دا اللي هي قالته للناس أقوي من أي تهديد، اي اللي عندي أهدده به، وأقول ربنا كبير لحد ما أظبط ورقي وأكلم المحامين بتوعي عشان أعرف أخد حقي ومش هتنازل المرة دي خالص، وهاخد حقي بالقانون لأني عملت حساب للعشرة أكتر من مرة، وكل مرة بيطلع أكتر من اللى قبله، أيام مكلمة لميس الحديدي وطلعت قالت شتائم وحاجاة في حقي، كفاية كفاية ناس".

وعن سرقته خزنة شيرين عبد الوهاب، قال حسام حبيب:"أنا عايز أعرف إزاي سرقتها، هل دخلت وأنا لابس طاقية الأخفاء، ومحدش شافني، وكل مرة سرقة وكلام أقل بكتير من أني أعلق عليه، كل شوية أنا سرفت وعملت، وأنا بسنتجد بكل الناس أرحموني منها، دا ذنب أنا عملته في حياتي أنا مش عارف إية دا، ولسة هطلع أتكلم كمان بكل التفاصيل، ومش بقول كدا عشان خاطر أخوفها، لا دا حقي، عشان كل شوية يتقال كلام عني وعن أهلي، وأنا مش بشكر في نفسي الحمدلله متربي ومن عيلة كويسة جدا، ومتربي في أماكن كويسة ومتعلم في مدارس كويسة جدا، وبعرف ربنا سبحانه وتعالي".

وتابع:"وعايز أقول للناس كلها شيرين عبد الوهاب بتستقوي بيكم، ودائما بتهددني عشان لو معملتش حاجة، تقولي مش هخليكم تمشي في الشارع، فأرجوكم بالله عليكم بلاش تمشوا مع حد عايز أظلم حد".

كما حرص محمد عبد الوهاب، بالتعليق على حديث شقيقته شيرين عبد الوهاب، عن طريق كتابة عبر حسابه على فيسبوك:"يا شيخة والله ربنا ياخدنا بقي عشان نرتاح من القرف ده، كفايه بقي اقسم بالله قرفنا و الناس قرفت واشمئزات منكم انتو اقذر قصة عرفتها البشرية والله حسبي الله ونعم الوكيل فيكم انتو الاتنين".