«فساتيني دايمًا بتطرح فكرة».. هند عاكف تعلن مقاضاة المتنمرين عليها (فيديو)

قالت الفنانة هند عاكف إنها ستقاضي كل من تنمر عليها بسبب فستانها المثير للجدل، والذي ارتدته في حفل افتتاح المهرجان القومي للمسرح.

وأضافت عاكف في تصريحات تليفزيونية عبر برنامج «حضرة المواطن»، بقناة «الحدث اليوم»، اليوم السبت، أن المحامي الخاص بها يقدم بلاغًا رسميًا في كل موقع أو «بلوجر» تنمر عليها وأساء لها بسبب فستان حفل افتتاح المهرجان القومي للمسرح.

فستان هند عاكف بحفل افتتاح المهرجان القومي للمسرح

وتابعت: «لو اعرف إن الفستان سيثير كل هذا الجدل مكنتش لبسته، لم أعتقد إن الفستان سيثير الجدل بهذا الشكل. أنا عملت فستان عادي جدًا، الأوف شولدر كان مفتوح أكتر من كده لكن أنا طلبت من المصمم يقفله أكتر».

وأكملت عاكف: «طلب كده عشان محدش يقول هند عايزة تلبس فستان مفتوح وتثير الجدل، أنا دايمًا فساتيني بتطرح فكرة أو بيكون فيها موضوع، لكن طلبت من المصمم هذه المرة بتصميم فستان عادي، كده كده مفيش موضوع ولا حدث عشان أقدم بيه فكرة».