مخنوق وحاسس إننا مش هنكمل.. تفاصيل آخر مكالمة بين شاب وخطيبته قبل مصرعه فى حادث أثناء عمله في شرم الشيخ

لقي الشاب محمد فولي مصرعه فى حادث إنقلاب سيارة أثناء عمله كمرشد سياحي بشرم الشيخ.

وقالت خطيبته إن آخر مكالمة بيني وبين خطيبي قبل وفاته بساعات، أخبرني فيها بنزوله اجازة من العمل للتجهيزات الأخيرة للفرح واختيار الفرش ورؤية الشقة.

وأضافت "تفاجئت من طريقة حديثة معي فى المكالمة الأخيرة وكأنه كان يشعر بما سوف يحدث حيث قال لي حاسس إننا مش هنكمل،  ودي كانت أول مرة يقولهالي من ساعة ماعرفني.

واستكملت حديثها" سألته ليه بتقول كده، قالي معرفش وعاوز أقفل علشان مخنوق ومش عاوز أقول كلام يضايقك وأنا مخنوق، ودي كانت أول مرة يقولي الكلام ده من ساعة مااتخطبنا يوم  25 ديسمبر 2023  وكنت منتظرة يوم السبت بفارغ الصبر علشان أشوفه ولكن رجعلي ميت وكسر قلبي عليه.  

وحصلت بصراحة على آخر صورة التقطها الشاب المتوفي فى شرم الشيخ قبل وفاته بثلاثة أيام والتى أرسلها لخطيبته.

وسادت حالة من الحزن والأسى على منصات التواصل الاجتماعي بسبب مصرع الشاب المتوفي بعد ان شهد له الجميع بحسن الأخلاق ومساعدة الآخرين ومحبة كل من تعامل معه.