سيد عبدالحفيظ يكشف رأيه في جوميز وقيادته للزمالك

كشف سيد عبدالحفيظ، مدير الكرة السابق بالنادي الأهلي، عن رأية في أداء فريق الزمالك ولاعبيه خلال الموسم الجاري ببطولة الدوري المصري الممتاز.

وقال عبدالحفيظ في تصريحات خلال برنامج اللعيب المذاع على قناة إم بي سي مصر: «الزمالك بيعتمد دلوقتي على اللاعبين الشباب وده شيء كويس نوعًا ما، أحيانًا تشوفه أحسن فريق في مصر، وأحيانًا أخرى لا، وهو نفس الفريق واللعيبة».

وأضاف: «الزمالك محتاج عدد من الصفقات، وجوميز معندوش لاعيبه ومقدرش أحكم عليه، لما تجيله صفقات أقدر أحكم عليه، ولكن هو حقق الكونفدرالية».

وأكمل: «جوميز بيعمل شوية حاجات تضايق وتغيظ سواء في التشكيل أو التغييرات، يعني فرقة تتعادل مع بيراميدز وكانت كسبانة الأهلي في الدور الأول، وبعدها يتعادل مع بلدية المحلة وكانت أحسن بكتير».

وواصل سيد عبدالحفيظ: «الزمالك بيكسب كتير، ولكن مش فرقة بطولة عشان مفيش استمرارية».