انت بتجيب سيرتي أنا وحسام عشان تعلي مشاهداتك.. إبراهيم حسن يهاجم الصقر

هاجم الإعلامي إبراهيم حسن مدير منتخب مصر الأول لكرة القدم، الإعلامي أحمد حسن نجم الأهلي والزمالك والمنتخب الوطني السابق، وذلك بعد انتقاده المستمر للجهاز الفني بقيادة حسام وإبراهيم حسن.

إبراهيم حسن يهاجم أحمد حسن 

وقال إبراهيم حسن، في تصريحات ببرنامج «ملعب أون تايم»: «أحمد حسن، طالع بيتكلم في البرنامج وبيقول مفيش متابعة من الجهاز الفني لمنتخب مصر لمباريات الدوري الأخيرة، بناء على إيه بيتكلم، هل إنت عايز تعلي البرنامج بتاعك تجيب سيرة حسام وإبراهيم حسن، احنا مش مستنين حد يقولنا نتابع مين ونعمل إيه، إحنا عارفين بنعمل إيه، المباريات الأخيرة تقام في توقيت واحد، الجهاز المعاون بيعمله تقريره وبيرسله للكابتن حسام حسن».

وأضاف: «لازم يبقى في احترام وفي نظام، ولازم تحترموا كيان منتخب مصر ومنظومة الجهاز الفني المسؤولة عن المنتخب، ولو عايز حاجة ابعتلي اسألني، لكن عايز تعلي فقرة في البرنامج بتاعك على حساب الجهاز الفني للمنتخب مصر! للأسف هي ماشية كده».

وأتم: «بطمن أحمد حسن، إحنا عارفين شغلنا كويس أوي، واحنا مشكلتنا إن حياتنا شغلنا، إحنا مش بنشتغل في بزنس وبرنامج وعضو مجلس إدارة كل ده في وقت واحد وماسك مدير فني، إحنا طول عمرنا متفرغين لشغلنا».