«معملناش حاجة يارجالة».. زيزو يوجه رسالة نارية للاعبي المنتخب الأولمبي بعد الفوز على إسبانيا

علق أحمد السيد زيزو نجم الزمالك والمنتخب الأولمبي، على تأهل منتخبنا الوطني إلى مواجهات ربع نهائي في دورة الألعاب الأولمبية باريس 2024 "أولمبياد باريس".

وتأهل قبل قليل المنتخب الأولمبي بقيادة ميكالي، إلى منافسات الدور ربع النهائي لـ دورة الألعاب الأولمبية باريس 2024، بعد الفوز على المنتخب الإسباني بالجولة الأخيرة بدور المجموعات بثنائية مقابل هدف.

وقال أحمد سيد زيزو لـ اللاعبين في غرفة تبديل الملابس بعد لقاء إسبانيا: اللي عملناه النهاردة ده تاريخ، انتم صنعتم التاريخ لأنكم لاعيبة رجالة.

وأضاف زيزو: من قبل ما نيجي هنا وفي أول اجتماع عملناه أنا ومحمد النني، قولنا إحنا جينا هنا عشان مصديقن فيكم، وعارفين أنكم هتعملوا جاجة كويسة.

واختتم أحمد سيد زيزو تصريحاته، قائلًا: خلي بالكم، كل الأجيال اللي قبل مننا صعدوا من دور المجموعات، يعني إحنا معملناش حاجة جديدة، فـ بعد أذنكم مش عايزين نريح، وعايزين المتش الجي نقدم 200%، والله لو كسبانا المتش الجي هناخد حاجة أحسن من المركز الثالث.