أفشة يكشف سبب غضبه بعد استبداله في مباراة سيراميكا (صورة)

كشف محمد مجدي أفشة، لاعب الأهلي، حقيقة غضبه من الجهاز الفني بقيادة السويسري مارسيل كولر، عقب تغييره في مباراة سيراميكا أمس.

وقال أفشة عبر حسابه على إنستجرام : «حابب أوضح حاجة علشان للأسف بعض الناس هتبدأ تداول حاجات وتفسر حاجات مش مظبوطة، أنا أمبارح بعد التغيير كنت زعلان جدًا جدًا من نفسي، وكنت حاسس أني محبط جدا ومعملتش حاجة للفرقة، خاصة إني بدأت الماتش، وكنت حابب يكون ليا إضافة.. أيام اللعيب أو الرياضي عمومًا بيبقي فيها حاجات محبطة زي كده، أنا حتي نشرت إحصائية فيها صفر صناعة وصفر تسجيل، عندي أفضل من کده أکید، مصدرش مني أي شيء ناحية الجهاز الفني إللى طبيعي يغير ويبدل، واللاعب لازم يحترم قراره تحت أي وضع، ولا حتي الكابتن خالد بيبو إلى في لحظتها قلتله مفيش أي حاجة وقعدت وهديت.. معلش لحظة غضب وراحه لحالها وإن شاء الله الجاي أفضل".

وكان المدير الفني السويسري مارسيل كولر، قد استبدل أفشة ورضا سليم في الدقيقة 71، ودفع بكريم وليد "نيدفيد" وحسين الشحات بدلاً منهما فى مباراة سيراميكا الأخيرة بالدوري.وكان أفشة قد دخل في أزمة سابقة مع كولر بعد مباراة مازيمبي الكونغولي بدورى أبطال أفريقيا بسبب عدم الاعتماد عليه أساسيا والدفع بزميله إمام عاشور بعد فترة غياب بسبب الإصابة إلى جانب نشوب أزمة أخرى مع المدرب على خلفية تصريحاته التلفزيونية حول المدرب وزملائه بالفريق

ويحتل النادي الأهلي، صدارة جدول ترتيب الدوري المصري، برصيد 72 نقطة، جمعها من خوض 28 مباراة، حقق الفوز في 23 وتعادل في 3 وخسر مباراتين.