أمير عزمي مجاهد: «أنا لو مكان الشيبي هبطل الشحات كورة لأن حقي مجاش»

علق أمير عزمي مجاهد نجم نادي الزمالك على أزمة محمد الشيبي ظهير نادي بيراميدز مع حسين الشحات جناح النادي الأهلي، مشيرًا إلي أن السبب الحقيقي للأزمة هو ضعف اللوائح والعقوبات في الدوري المصري.

وقال “أمير” :” بالنسبالي السبب في القصة دي كلها هي القرارات اللي طلعت بعد مباراة الموسم الماضي، هو الشيبي دخل على حسين الشحات جامد وكل حاجة  في المباراة الأخيرة بس ليه متحطش في دماغك ان الشيبي ده بنى ادم”.

وأشار :” انت النهاردة لم تضرب بالقلم وتشتم بأمك بشكل مستفز، الطبيعي لو أنا حصلت معايا واتحاد الكرة مجبليش حقي والله العظيم مطلعوش من الملعب”.

وحصل الشيبي في وقت سابق، على حكم قضائي يقضي بحبس حسين الشحات لاعب النادي الأهلي سنة مع إيقاف التنفيذ، إلى جانب تغريمه مالياً على خلفية قيام الأخير بصفعه، في لقاء جمع بين الفريقين نهاية الموسم الماضي من مسابقة الدوري العام.

وأضاف ” أمير” خلال استضافته في برنامج ” الهدف” على قناة ” أون تايم سبورتس 2 ” :” القصة كلها إن العقوبات عندنا على المزاج والواقعة الأولى لو حصلت في أي دوري من الدوريات فيه لاعيبة تشطب فيها”.

وشدد ” أمير” :” أنا ضد أنك تكون مؤذي في الملعب لكن لازم نعرف انت بقيت مؤذى ليه او ايه اللى وصلك لكده”.

وأوضح :”أكيد اللي وصلني كده إني مش عارف أخد حقي برة الملعب يبقى خلاص هاخد حقي منك جوة الملعب، ومحدش يقولى اصل دي رياضة ، لأنها لو رياضة يبقى طبق القوانين ويكون فيه عدل في العقوبات وقتها نقول إن فيه رياضة”.