مربيني.. يسرا تكشف حقيقة رفض صالح سليم زواجها من نجله

كشفت الفنانة يسرا حقيقة الشائعات التي ترددت حول رفض رئيس النادي الأهلي الراحل صالح سليم لزواجها من ابنه خالد.

 تصحيح الشائعات

قالت يسرا في برنامج "بيت السعد": "الكلام ده مش صحيح، صالح هو اللي مربيني، هو وخالي كانوا شلة واحدة وكل اللي اتقال عن الموضوع ده غير صحيح".

نصيحة الأب

وتابعت: "كل اللي قاله صالح لخالد ابنه وقتها، الست دي نجمة، هتستحملها اتجوزها، مش هتستحملها سيبها في حالها".

ظروف خاصة

وأردفت: "وقبل ما يروح يتعالج، سألنا عن إعلان زواجنا، وسبب عدم إعلان زواجنا وقتها كان مرض صالح سليم".

يسرا تكشف كواليس بداياتها الفنية

كشفت الفنانة يسرا كواليس مشوارها الفني مؤكدة أن بداياتها كانت صعبة جدًا. وقالت في لقائها مع برنامج "بيت السعد": "بداياتي كانت صعبة جدًا لأن كان فيه نجلاء فتحي وميرفت أمين ومديحة كامل وقبلهم سعاد حسني".

وتابعت: "عشان أثبت نفسي في وسط دول كانت مهمة صعبة أوي، فأنا حضرت مونتاج فيلم الكرنك عشان أتعلم يعني إيه راكور".

وأوضحت: "كنت أروح معهد السينما عشان أتعلم وأكون موديل، ويصوروني، ويعملوا مشاريع التخرج وأكون بطلتها، كنت حابة إني أكون موجودة وكنت بقلد كل الناس وأنا صغيرة".