نهي العمروسي: الحجاب مش فرض مجرد أجندة لتضييع الهوية»

كشفت الفنانة نهي العمروسي عن رأيها في الحجاب، مؤكدة أنه ليست مقتنعة به.

قالت نهي العمروسي في برنامج «قعدة ستات» الذي تقدمه الإعلامية مروة صبري:«الحجاب أجندة، الحجاب مش فرض، أديني آية بتقول إنه فرض، إيه اللي بيقول أن الشعر عورة؟، ومتكلمنيش في الدين وأنا مش متخصصة ممكن أقول حاجة غلط، يا جماعة ممكن أغلط لكن دي قناعاتي ولا عمري هتحجب لأني مش مقتنعة بيه خالص».

وتحدثت نهى العمروسي عن الأديان قائلة:«أنا مابحبش التقسيم، أنا اتولدت مُسلمة كلنا بنتولد على دين أبهاتنا، لكن أنا مش عايزة أحس إني أحسن من المسيحي أو اليهودي أو البوذي أو الهندوسي، فكرة التقسيم دي بتعمل مشاكل بين الناس، اللي هو أنا أحسن منك، أنت دينك أي كلام، أنا بحب الوحدانية، يعني كلنا زي بعض ومش بحب التقسيم».

واختتمت نهى العمروسي كلامها:«إحنا كلنا واحد، أتسائلت قبل كده أنا مُسلمة ولا مش مُسلمة، جاوبت: أنا مسَلّمة يعني مُسلمة».

الجدير بالذكر أن آخر أعمال الفنانة نهي العمروسي مسلسل «الخانكة» الذي عرض عام 2016م بطولة الفنانة غادة عبد الرازق.