عمرو يوسف عن دعمه لـ كندة علوش في مرضها: «مش غريب ولا المفروض يبقى فيه تصقيف عليه»

تحدث الفنان عمرو يوسف عن دعمه لـ زوجته أثناء فترة مرضها واصابتها بالسرطان، مؤكده أن هذا الطبيعي.

عمرو يوسف عن دعمه لزوجته 

وقال عمرو يوسف، في تصريحات لـ«et بالعربي»:«بعد ما كندة قالت في اللقاء مع منى الشاذلي إني بدعمها، الناس كلها قالت الله على دعم عمرو لكندة، بشكرهم طبعا لكن اللي أنا عملته دا طبيعي، لو أنا حصل ليا موقف هي هتقف معايا اكتر من كدة 10 مرات، دا الطبيعي مش غريب ولا المفروض يبقى فيه تصقيف عليه».

إصابة كندة علوش بالسرطان 

الجدير بالذكر أن كندة علوش أعنلت عن إصابتها بمرض السرطان، أثناء لقائها مع الإعلامية مني الشاذلي.

قالت كندة علوش:«ظهرت عليا أعراض بسيطة بس أنا مش بحب اهتم بالتفاصيل، وأنا طبيعتي مش بخاف لأني بسلم أمري لربنا بسهولة، ولما عدى 5 أشهر ونفس الأعراض كانت عندي، فعمرو جوزي قالي انتي لازم تعملي فحوصات، ومكنتش مقتنعة أنه له لازمة، ولكن اقنتعت بعد وقت اني أروح أعمل فحوصات، وأول ما روحت للدكتورة قالت ليا في حاجة مش مظبوظة».

وتابعت: «قررت الدكتورة أخذ عينة، عشان توصل للسبب، وبعد 3 أيام لقيت راجل بتاع التحاليل كلمني وقالي النتيجة مش كويسة، وفي أكثر من مرض، منهم ورم خبيث في الثدي، بس عمرو كان شاكك في الموضوع وقلقان».