نجحت عن تجربة.. 11 نصيحة ذهبية لـ توفير استهلاك الكهرباء تغزو السوشيال ميديا

في ظل ارتفاع تكاليف فواتير الكهرباء ومع تزايد الوعي البيئي، انتشرت مؤخرًا على منصات التواصل الاجتماعي مجموعة من النصائح الذهبية التي أثبتت نجاحها في توفير استهلاك الكهرباء. هذه النصائح، التي تم تداولها بشكل واسع من قبل المستخدمين، تهدف إلى مساعدة الأفراد والأسر على تقليل استهلاكهم للطاقة وتحقيق توفير ملموس في فواتير الكهرباء. ويأتي ذلك في إطار الجهود المبذولة لتبني أساليب حياة أكثر استدامة وفعالية في إدارة الموارد. 

11 نصيحة ذهبية لـ توفير استهلاك الكهرباء تغزو السوشيال ميديا

نقدم لكم اليوم 11 نصيحة ذهبية لتوفير استهلاك الكهرباء، والتي لاقت رواجًا كبيرًا وأصبحت حديث الساعة على السوشيال ميديا. 

• تشغيل المروحة قبل التكييف
• تشغيل الغسالة بكامل الحمولة
• تنظيم الفريزر
• إزالة الثلج من الفريزر بانتظام
• تنظيف الشبكة الخلفية للثلاجة
• تبريد الطعام قبل وضعه في الثلاجة
• فصل الأجهزة في وضع الاستعداد
• شراء الأجهزة الموفرة للطاقة
• استخدام لمبات LED

وجاءت النصائح كالآتي: 

• قبل تشغيل التكييف شغل مروحة عادية في نفس المكان لمدة 10 دقايق.. ولما تشغله خلي درجة الحرارة 24 بالكتير
• كاتيل الميه حط فيه ميه على قد عدد الكوبايات اللي قبل تشغيل التكييف شغل مروحة عادية في نفس المكان لمدة 10 دقايق.. ولما تشغله خلي درجة الحرارة 24 بالكتير عايزها مش أكثر .. كاتيل على آخره بالمايه = استهلاك أكبر للكهرباء
• بلاش تسخن الأكل في فرن الكهرباء واستبدله بالميكروويف أوفر
• تشغيل الغسالة وهي مليانة هدوم على آخرها زي تشغيلها وهي فيها قطعة واحدة والاتنين بيستهلكوا نفس كمية الكهرباء، شغل الغسالة مرة واحدة لما تتملى على آخرها.
• بسبب الفراغات جوه الفريزر الثلاجة بتستهلك كهرباء أكثر .. اعمل إعادة توزيع للحاجات في الفريزر بحيث مايكونش فيه فراغات ولو لسه فيه فراغات املاها بأكياس ثلج
• شيل الثلج باستمرار من الفريزر وأول بأول هتوفر في الكهرباء
• الشبكة اللي ورا الثلاجة لازم تتنضف مرة في شهر .. عدم تنضيفها بيقلل كفاءة تبريد الثلاجة الأساسي وببيزود استهلاك الكهرباء
• وضع الأكل وهو سخن أو دافي في الثلاجة بيستهلك كهرباء أكثر .. استنى لما يبرد الأول
• الشاحن والغسالة والميكروويف والراوتر والريسيفر وأي جهاز كهربائي وهما في وضع الاستعداد بيستهلكوا كهرباء = %20 من اللي بيستهلكوها وهما في وضع التشغيل الفعلي لو عارف إنك هتنام أو هتخرج أو مش هتستخدمهم افصلهم.
• لما تشتري جهاز كهربائي يفضل تختار اللي الملصق بتاعه مكتوب عليه كلمة "إنفرتر " يعني استهلاك أقل للطاقة 11. بذل كل اللمبات اللي عندك بـ لمبات LED موفرة للطاقة غير إنها بتوفر من 40 لـ 60% من استهلاك اللمبات العادية لكن عُمر اللمبات الليد بيوصل لـ 50 ألف ساعة استخدام .. يعني لو استخدمتها 12 ساعة في اليوم هتقعد معاك 11 سنة.

تجارب ناجحة

وكتب أحد المستخدمين عبر وسائل التواصل الاجتماعي: بمناسبة تخفيف أحمال الكهرباء اللي الحمدلله أخيراً هينتهي يوم الأحد الجاى.. خليني أحكيلكم عن موقف لطيف حصل النهاردة، كارت الكهرباء بتاع عداد الشقة عندي خلص للمرة التانية خلال شهر واحد ورحت مقر شركة الكهرباء اللي جنب البيت عشان أشحنه.. قبل ما أدفع وأنا واقف منتظر دوري لقيت ورقة بسيطة متعلقة بره الشركة جنب شباك الدفع وفيه ناس واقفين بيصوروها!.. 
‎
وأضاف: واحد واقف جنبي لما لقاني مركز قال لي على فكرة صورها أنت كمان هتحتاجها.. سألته: اشمعنى؟.. قال لي مكتوب فيها شوية حاجات لما تعملها هتقلل من استهلاك الكهرباء بتاعتك!.. قولتله: وأنت بتصدق الكلام ده!.. رد إنه جرب اللي فيها ونفعت.. أكد كلامه واحد تاني واقف معانا ثم سيدة برضه..
‎
وتابع: طب مين اللي عملها؟.. محدش عارف.. لما جه دوري عند الشباك وأنا بشحن الكارت سألت الموظف هي الشركة اللي عاملة الورقة دي؟.. رد: لأ، دول مجموعة شباب جُم علقوها وعملوا كده في كذا شارع من نفسهم بس اللي مكتوب فيها صح على فكرة.. صورت الورقة وقولت وماله نجرب مش هنخسر حاجة خصوصاً إن اللي كتبوها ناس زيي وزيكم.. لما روحت البيت وعملت سيرش عن المعلومات المكتوبة لقيتها حقيقية فعلاً!.. 
‎
وأتم: شكراً للشباب اللي بحثوا وتعبوا وكتبوا الورقة دي وعلقوها عشان يفيدوا غيرهم.. إحنا في وضع صعب مفروض علينا ومحتاجين نتعامل معاه بذكاء وكل جنيه هتوفره أنت أولى بيه خصوصاً لما يكون التوفير ده من خلال حاجات بسيطة سهل تعملها.. جربوا النقط اللي فاتت دي كلها أو بعضها هتفرق معاكم في معدل استهلاككم وفي فواتيركم وخلّوا غيركم يشوفوها عشان يستفادوا.