خاص| بعد تصريحاتها عنه.. موقع «بصراحة» ينفرد بمعلومات لأول مرة عن والد هنا الزاهد

تصدرت الفنانة هنا الزاهد مواقع التواصل الاجتماعي بعد تصريحاتها في برنامج "صاحبة السعادة" مع الإعلامية إسعاد يونس عن والدها التي لم تراه منذ أن كانت طفلة صغيرة.

وبعد ظهورها في الحلفة بدأ الكثير يتساءل عنه وينفرد موقع «بصراحة» بمعلومات عن والد هنا الزاهد لأول مرة.
بعد تصريحاتها عنه.. موقع «بصراحة» ينفرد بمعلومات لأول مرة عن والد هنا الزاهد

من هو والد هنا الزاهد؟

- اسمه عادل الزاهد 
- من محافظة كفر الشيخ 
- تخرج من كلية التجارة جامعة القاهرة 
- رجل أعمال وانجب من زوجته  هنا وفرح ونور الزاهد 
- انفصل عن زوجته شيرين المنزلاوي بعد قصة حب طويلة 
- في عام 2005 تزوجت من الفنان طلعت زكريا 
- حل الفنان الراحل طلعت زكريا محل والدها لأنه هو من قام بتربيتها

والد هنا الزاهد 

وكانت قد تحدثت الفنانة هنا الزاهد، عن دور والدها في حياتها، عن سبب غيابه في حفل زفافها.

قالت هنا الزاهد خلال لقائها في برنامج «صاحبة السعادة»، الذي تقدمه الإعلامية إسعاد يونس:«والدي موجود وناس كتير فاكرة أن هو مش موجود وكان في فرحي، بس هو مش قريب مني خالص وكان نفسي يكون قريب».

وأضافت:«زمان كنت بخاف أعمل مشاكل في المدرسة علشان لما يجيلي استدعاء ولي أمر ماما هي اللي هتيجي وأنا عايزاه هو اللي يجي عشان أقولهم ده بابا، محدش يقدر يعملي حاجة ده يبهدلكم والحتة دي مكنتش موجودة».

ووصلت:«لما كنت في فرح بنت صلاح عبدالله وشفته وهو بيعيط وفرحان أنا وقفت علي جنب كده وفضلت أعيط اوي قولت أنا الإحساس ده عمري ما حستيه كان نفسي أحسه».

أضافت:«بحاول أكلمه هو إنسان كويس جدا لكن هو عنده عيلة تانية ربنا يخليهم له وربنا يخلوهولي هو في الآخر أبويا بس انا افتقدت أوي مشاعر الأب معرفش يعني اي أب اصلا،بحس إن اللي في سني أخواتي أكتر، أنا عايزة حد يحتويني أكتر أنا مش قادرة أن أنا اللي أحتوي بس لا أنا عايزة اللي يحتويني ويبقي ضهر وسند أبقي حاسه بأمان، الأمان ده حاجه كبيرة أوي».

وأكملت:«بابا شخص جميل وبيسأل علينا من وقت للتاني بس انا مبشوفهوش خالص أنا كان نفسي لما أحب حد أروح أقوله ده كويس ولا لا طب أعمل إيه كان نفسي أوي أعيش الاحساس ده، إلى الآن مفتقده مشاعر الأب وعلشان كده خايفة من فشل الزواج وطلعت زكريا حاول أن يملي الجزء ده».