راح يفض خناقة بالأدب ومات غرقان في دمه .. أحداث وتفاصيل جديدة في قضية قتل صاحب التوكتوك | لايف بصراحة

صرحت زوجة سائق التوكتوك ضحية المشاجرة بالدقهلية بطلبها للقصاص لرد حق زوجها وأولادها، قائلةً: أنا كان نفسي أقول للقاضي عاوزه حق جوزي، عاوزه حق الثلاث عيال اللي اتحرموا من أبوهم، متابعةً: أبني ده أبوه سايبه وهو بيرضع باللبن الصناعي، وأبوه مفرحش بيه زي بقية الأبهات كلها، لأنة كان جاي من السفر عشان يصرف على عياله، مقعدش معانا ولا فرحنا به وفي ثانية بقى جثة.  

وأعربت زوجة سائق التوكتوك عن قلة حيلتها وحزنها على زوجه: إنسان معندوش في قلبه رحمة هو عمله أيه عشان يقتله ويتمني وييتم عيالي؟ أنا بطالب بالقصاص ةنفسي القاضي يشوفني دلوقتي. 

زوجة سائق التوكتوك تطلب القصاص لحق زوجها وأولادها

وتابعت وهي باكية: أنا نفسي أشوف القاضي وأقوله كلمة واحدة: أنا عشمانة في ربنا ثم فيك يا سيادة القاضي و أنا طالبة القصاص، أنا بقالي سنة وشهرين بتعذب من ساعة ما جوزي مات، وعايشة على مساعدات الناس ليه.

وأملت الزوجة تفاصيل واقعة مقتل زوجها، حيث قالت: جوزي كان رايح يسترزق، وحد قاله محمد عباس ضرب أحمد كمال علقة موت، والناس شالوه وودوه للبيت، ومحمد طالع بيتهجم على إبراهيم جوزي بالسلاح، كان ماسك في ايده خنجر عشان يتهجم بيه عليه، وإبراهيم معرفش يتحكم فيه فطلع يجري عشان بيخاف، وخد الخبطة، لأن المجرم ماسك السلاح لأي حد يجي جنبه هيموته، أم ضربه في رقبته، ومات في ساعتها مقدرش يتحرك، كل مايقوم يقع تاني ودايخ مش قادر، ومحدش قادر يساعده وسابوه غرقان في دمه. 

ذنبي أيه يرمل واحدة صغيرة زي وييتم أطفال!

وأعربت زوجة إبراهيم سائق التوكتوك عن غيظها وغضبها من الجاني على زوجها، قائلةً: شوفته النهاردة وهو في المحكمة كنت عاوزه أقوله هو عمل فيك أيه عشان تنهي حياته بالمنظر البشع ده، عمل فيك ايه عشان ترمل واحدة زي صغيرة في السن كده زي، وتيتم أطفال مالهمش ذنب ليه، هي حياة الناس بتنتهي كده بكل سهولة، أنت قلبك مفيهوش رحمة، ولا إنسانية ليه. 

الجاني بكامل قواه العقلية ولا مبرر لجريمته الشنيعة

وأكدت أن الجاني ليس مجنون أو مختل عقلياًا لكي يقوم بهذه الجريمة الشنعاء؛ قائلة: أنت واحد عاقل وبتشتغل وحداد وصنايعي، وكنت مسافر بلاد برة بتشتغل وعارف كل حاجة، و أنت مش مجنون، ولا جوزي عمل فيك حاجة عشان تموته وتنهيه.