مش هسيب حقي.. جنة عليوة تكشف مفاجآت جديدة في واقعة شهد سعيد

أكدت جنة عليوة، لاعبة منتخب مصر للدراجات، أن واقعة احتكاكها مع اللاعبة شهد سعيد كانت متعمدة ولم تكن حادثة عرضية، وأنها لم تلاحظ أي اعتذار من جانب شهد سعيد بعد الحادثة.
 

 وأوضحت جنة عليوة في تصريحات خاصة لـ «بصراحة»: « شهد سعيد كانت ماشية خلفى تحديدًا، وتعمدت اصطدامى بعد الدوران، وكانت تسبنى بشتائم غير طبيعية، ولم تكن تتحلى بأخلاق لاعبة أولمبية»

وتابعت: «كانت مشحونة ضدي بسبب فوزي في السباق في اليوم السابق، وتعمدت اصطدامي مرتين ولم أسقط، وكانت تسير خلفي حسب الأوردر الذى تلقته من المدرب الخاص بها».

وواصلت: "كانت تتلفظ ضدي بألفاظ خارجة، وكان من الواضح أن تلك الواقعة كانت بناءً على تعليمات من مدربها، وشهد لم يسبق لها أن فازت بأي سباق محلي من الأساس.. لا أقصد التقليل منها، لكن هذا هو مستواها الرياضي، وأن استعدت ذاكرتي، لكنني لست جاهزة بعد بنسبة 100% لركوب الدراجات".

وكشفت: «أنها تعرضت لكسر في الترقوة وأجرت عملية جراحية تضمنت وضع شريحة ومسامير، بالإضافة إلى جروح وكدمات في جسدها بأكمله وأنها فقدت الذاكرة جزئيًا بعد واقعة السقوط أثناء السباق».
 

واختتمت: «مش هسيب حقي وهجيبه بالقانون بعد اللي عملته فيا».

اتحاد الدراجات يعلن مشاركة شهد سعيد في أولمبياد باريس

أعلن الاتحاد المصري للدراجات برئاسة الدكتور وجيه عزام مشاركة شهد سعيد لاعبة المنتخب في أولمبياد باريس 2024 وذلك بعد المطالبات باستبعادها بسبب الأزمة التي حدثت في أبريل الماضي مع زميلتها جنة عليوة.

وقال وجيه عزام رئيس الاتحاد أن المجلس بالإجماع وافق على مشاركة شهد سعيد في أولمبياد باريس مراعاة لمصلحة مصر في التمثيل المشرف بالحدث الرياضي الأكبر عالميا.

وأضاف عزام أن الاتحاد عاقب شهد سعيد منذ فترة بالإيقاف محليا لمدة سنة وتغريمها 5 آلاف جنيه وهي أقصى عقوبة طبقا للوائح الاتحاد الدولي، مع تحذيرها من أي أخطاء في المستقبل.

وتابع رئيس الاتحاد أنه يراعي مصلحة الجميع ومصلحة مصر تقضي بمشاركة اللاعبة التي تأهلت في الأولمبياد.

بداية أزمة شهد سعيد وجنة عليوة

الأزمة بدأت في أبريل الماضي خلال منافسات بطولة الجمهورية حيث دفعت شهد سعيد زميلتها جنة عليوة في الأمتار الأخيرة قبل نهاية السباق لتحصل على المركز الثالث وتصاب زميلتها بإصابات بالغة، وبعد التقدم بشكوى ضدها قرر الاتحاد إيقاف شهد سعيد سنة من المشاركة المحلية وتغريمها 5 آلاف جنيه.

وبعد هذه الواقعة، ظهرت شهد سعيد لاعبة المنتخب المصري للدراجات، ضمن صور البعثة الرسمية المصرية المقرر مشاركتها في أولمبياد باريس القادمة.

ومن المقرر أن تبدأ أولمبياد باريس في الفترة بين 26 من الشهر الجاري، وحتى 11 من شهر أغسطس.

هجوم حبيبة عليوة

بعد هذا الحادث، خرجت حبيبة عليوة الشقيقة الكبرى لجنة، لتقدم بلاغا للنائب العام ووزارة الشباب والرياضة تتهم فيه شهد سعيد بمحاولة القتل العمد، ما أدى لاحتجازها وعرضها على النيابة العامة، التي بدورها أخلت سبيلها لاحقًا.

وكتبت حبيبة عليوة عبر حسابها الشخصي على موقع التواصل الاجتماعي "انستجرام": "متأهلة إلى أولمبياد باريس تحاول قتل لاعبة في سباق الجمهورية عن قصد؟ كل الناس المتابعة الدرجات عارفة يعني اية النادي المعتاد يكسب في البنات يخسر كأس البطولة؟، كل الناس عارفة إن أي حد بيحاول يظهر جديد (يبطل - يتشطب) لكن نحاول نموته عشان نكسب الكاس ونتيجة الفرق دي جديدة".

وأضافت: "بعد الخسارة في فردي ضد الساعة وفرق ضد الساعة والتشكيك في قدرات لاعبة دولية كانت في المنتخب و(اتقال ان في ماتور في العجلة ) مش إن ممكن يكون في مكسب وخسارة عادي و إن الفرق أصلا 16 ثانية؟ حكام البطولة كلها كانو بيفكو العجلة عشان يشوفو (الماتور)، ونفس الحكام سابو جنة على الأرض و عربية الإسعاف مفيش فيها مسعف؟، ومحدش عملها من باب الواجب يتصل يعبرنا يشوف حصل فيها اية؟ شهد هربت بعد البطولة والظابط طلبها وقال شهد هربت وتيجي حالا قالو بتغير و مع العلم جت بنفس اللبس بتاعها عادي وخافو عشان الظابط شاف إن هي إنسانة مش طبيعية وإن دا غل وإنها معندهاش أخلاق رياضية ولا تصلح تمثل مصر في بطولة".

وتابعت: "الطبيعي كانت تيجي تشوف منافستها بعد ما وقعتها بس دا يبين انها كانت متعمدة إن دا يحصل ما هيخسر اكتوبر ازاي و هما اتنين قدام؟ نقطعها مش هنعرف نوقعها أو نموتها الاقرب وخلاص كدا كدا هنهددهم و دا الي حصل، جنة جالها كسر في الكتف بتعالج في أكثر من 45 علي الاقل و فقدان مؤقت في الذاكرة و كدمات في جسمها كلة و تشنجات؟ جنة بتموت من الوجع في مستشفي مخدتش فيها مسكن إلى الساعة 8 لحد ما شهد شرفت على القسم".

وأوضحت: "شهد في القسم بتضحك و مش فارق معاها ان في واحدة كانت هتموت وكانت (بتتوج) عشان هي عملت المطلوب ان نادي اكتوبر ميتحسبش لية ميدالية فرق، شهد كانت بتضحك في القسم و الظابط قالها هو انت ازاي مش خايفة؟، شهد بصحتها وجنة ولا احنا عارفين ننام، شهد هتطلع من النيابة علي رجليها بتضحك و جنة بنشلها عشان مش قادرة تقف، شهد منزلش منها دمعة واحدة حتي خوف من وجدها في قسم او خوف علي البنت؟".

وأتمت: "وبس كل الناس حكام مدربين منظمين ينامو عادي و محدش حاسس حاجة و كمان كام شهر نطلع نقول بطلة اولمبياد".

رد شهد سعيد

ومن جانبها ردت شهد سعيد عبر "ستوري انستجرام" بإعادة نشرها لأحد المنشورات: "قتل إيه يا جدعان، أنا بوقف الفيديو علشان كله ياخد باله من العجلة بتاعة شهد، ركزوا انتوا لو ناس فاهمة عَجَل (دراجات) هتعرفوا إن واحدة زي شهد دي لاعبة سبرنت".

وأضافت في المنشور: "ركزوا في الفيديو هتلاقوا إن شهد كانت هتقع أصلًا، العجلة (الدراجة) مالت منها جامد ودا طبيعي بسبب المجهود اللي هي عاملاه، وكلنا بنتعرّض لنفس الموقف.. كلنا بندوخ وفي ناس مننا بيغمى عليها، كمان هي كانت هتقع وده غصب عنها، عشان كدة خبطت في زميلتها".

وأكملت في المنشور: "هي لو قاصدة تعمل كدا كانت هتكمل بعد ما وقعتها، إنما هي وقفت على رجليها وبعدين لو على المكسب، دا أصلا مش تخصص شهد يعني مش هتستفاد من البطولة دي كلها بأي حاجة ولا حتى هتاخد نقط، وهي كدا كدا اتأهلت للأولمبياد".

واختتمت في المنشور: "هي وزميلتها مفيش معاملة بينهم أصلًا ولا بالحلوة ولا الوحشة، وبعدين من إمتى والسياسة بتدخل في الرياضة؟ يعني اللي بيمارس رياضة لازم يكون قد إصاباتها.. وتقريبًا كل لاعيبة مصر جالهم إصابات ومحدش اتكلم ولا حد قال حاجة علشان دي رياضة والمفروض أنا خايف على نفسي يبقى ملعبش أحسن وخليني في البيت".