نساء دمياط يطلبن النجدة .. استغلت جهلنا و فقرنا وحاجتنا وأخدت مننا فلوسنا | لايف صراحة

اشتكى عدد من السيدات العاملات باليومية بمنطقة كفر البطيخ بدمياط عن تعرضهن لعملية نصب واحتيال من قبل جارتهن، وهي مرأة قامت بأخذ أموالهن واستغلالهن، والكثيرات منهن جيران هذه المرأة المحتالة التي تدعى باسم سناء محمد الشربيني؛ حيث قالت إحدى السيدات اللاتي تعرضن لنصب واحتيال هذه السيدة: حسبي الله ونعم الوكيل نصبت عليا انا والستات دي كلها وروحنا للحكومة ومش عارفين نعمل أي حاجة دلوقتي حسبنا الله ونعم الوكيل، احنا شغالين وتعبانين ومش عارفين نعمل حاجة.

مستريحات دمياط ينصبن على السيدات 

وتابعت السيدة شاكية خلال لايف موقع بصراحة الإخباري: بتسبنا في شرفنا و كل ما بنروح هناك بيضربونا ويشتمونا وبيفرجوا علينا الدنيا ويجيبلولنا المركز كمان. 

كما أعربت سيدة مسنة من ضمن الشاكيات عن حزنها الشديد؛ فلا حول لها ولاقوة، قائلةً: ضحكوا علينا و أخذوا فلوسنا وأخدت الفيزا بتاعت جوزي و أنا بشتغل في الأراضي وبتبهدل عشان أجيب 70 جنيه أكل بيهم، وهدفع منين وأجيب منين، عالم ظلمة وكفرة، الحرامين السراقين، ضحكوا علينا.

عطيناها الأمان فغدرت بينا 

وطالبت مجموعة السيدات بحقهن وأنهن يريدن أن يأتي لهن حقهن، كما أستغاثت سيدة أخرى باكية بشدة: انجدونا أجواتنا هتطلقنا وترمينا في الشوارع، ماليش حد غير ربنا ومحدش عارف يجيب حقنا.

وقالت إحدى السيدات الشاكيات: كل ما نروح لأبنها نطالب بحقنا يطلب لينا النجدة تيجي تاخدنا ويتبلى علينا اننا كسرنا وعملنا وسوينا واحنا معملناش حاجة، ربنا يبتليه بمصيبة. 

وأكدت إحدى السيدات أنها تم النصب عليها من هذه المرأة قائلةً: عطيتها قرض 80 ألف جنيه و قالتلي أنها هتشغلهم ليه ومدتنيش ولا حاجة، وهي جارتي وكنتي عطيالها الأمان.

استغلال فقر وجهل وحوجة السيدات بدمياط 

وقالت سيدة أخرى: طلبت مننا فلوس عشان ورشة ابنها و أنها هتديهوملنا كأرباح كل شهر، وهي استغلت أن رجالتنا صنايعية و كل واحدة مننا معاها أربع و خمس عيال وأن رجالتنا مش عارفين يأكلوا ولادنا، و أخدت مني قرض 95 ألف جنيه، وأعطتني أول شهر بس 1500 بتضحك عليه وبتقولي ده هدية مني ليكي وهاتي بيهم حاجة لعيالك، 

وقالت سيدة أخرى: عطتها قرض 75 ألف جنيه، واعطتني ألف جنيه بس، بينما اشتكت سيدة أخرى مطلقة وأم لأطفال: أخذت مني 80 ألف جنيه وهي اللي طلبت الفلوس مني و عاطتني ألف جنيه قالتلي مشي بيهم حالك انتي وعيالك ومعطتنيش حاجة تاني ولما طالبتها بيهم قالتلي ملكيش عندي حاجة وروحي لأبني ورشته واطلبي منه فلوسك، ولما روحت أطلب فلوسي طلبلي النجدة واتبلى عليه أني رايحة أكسر و أبهدل، مستنكرةً: طب أنا ست أزاي أروح أكسر ورشة فيها رجالة!، متابعةً: و جاب أبن عمه يتبلى عليه ويعملوا محضر ليا أنا وستات تانية بتطالب بحقها.

ابني طاردني من البيت وضربني.. بشتغل باليومية وقاعدة في أوضة معرشة لوحدي

وقالت سيدة أخرى: أنا مطلقة و استغلت ظروفي عشان كنت محتاجة، كما أكدت السيدات أنهن لم يكن يعرفن عن فكرة المستريحات اللواتي ينصبن على جيرانهن؛ لأنهن غير متعلمات ولم يتابعن هذه الاحداث، و إن كانوا يتابعون حادثة المستريحات، فهذه المرأة التي تدعى سناء أنها كانت تظهر لهم الأمان وأنها من أهل الحق والنزاهة ولكنها خلاف ذلك، فلم يخونوها. 

وتابعت: أنا قاعدة في أوضة معرشة ولوحدي و أبني مطلع عيني، وطاردني من البيت وضربني، ومبهدلني، وبنتي جوزها مغضبها عشان موضوع القرض ده، وأنا عاوزه حقي يرجعلي ، و أنا لو ست ليا دخل شهري مكنتش وقفت الوقفة دي وطالبت بحقي، أنا بشتغل باليومية ومتبهدلة.