من هو المذيع ماجد غراب ضحية أحمد شوبير

من هو  المذيع ماجد غراب، سؤال تزايدت معدلات البحث عنه على مواقع السوشيال ميديا ومحركات البحث، وذلك بعد ساعات من وقف برنامج الإعلامي أحمد شوبير، حيث كان المراسل التلفزيوني غراب كان يعمل مراسلًا مع الإعلامي أحمد شوبير في قنوات صدى البلد، قبل أن تدب الخلافات بينهم، ويبتعد الأول عن الوسط الرياضي لفترة كبيرة. 

 من هو  المذيع ماجد غراب؟

المراسل التليفزيوني والمذيع ماجد غراب،  علق على رحيل الإعلامي الرياضي أحمد شوبير، عن قناة أون تايم سبورتس والشركة المتحدة، التي قررت صباح اليوم الخميس، عن وقف برنامج أحمد شوبير وانهاء التعاقد معه، لعدم الالتزام بالمعايير المهنية.

مش مصدق نفسي إنه مشي وكل الشكر للشركة المتحدة

وقال المراسل التليفزيوني والمذيع ماجد غراب:" أنا مش مصدق نفسي لحد ما جالي تليفونات كتير بتقولي إنه مشي، الحمد الله وكل الشكر للشركة المتحدة وشكرًا ليكم جدًا وأنت فعلًا موجودين معانا وإنكم بتقدموا الشركة على قدر طموحات الشارع المصري". 

غراب: شوبير مشي ومش هشمت فيه وربنا عمره ما يرضي بالظلم

وأضاف في فيديو له عبر صفحته الرسمية على موقع التواصل الاجتماعي" فيس بوك"،:"اللهم لا شماته هو قعدني في البيت 6 سنين علشان عندي طموح، ولما الدنيا كانت بضيق قوي أقول ربنا عمره ما هيرضي بالظلم أبدًا، شوبير مشي ومش هشمت فيه، وكان عندي قناعة إن حقي هيرجع، وحق اللي مات هيرجع واللي عايش هيرجع".

غراب: لما عرفت إنه مشي حسيت إني صغرت 20 سنة وأمي بقالها 6 سنين مش بتنام 

وتابع:"الحمد الله على نعمة الوطن ونعمة المؤسسات الوطنية المحترمة، والله العظيم أنا بحلم واللحظة اللي عرفت فيها إنه مشي حسيت إني صغرت أكثر من 20 سنة وأمي بقالها 6 سنين مبتنامش بسبب اللي حصلي مع شوبير وليه بيحصل معايا كدا، وأمي لما عرفت صغرت أكثر من 30 سنه والله وبتموت من الفرحة، شوبير مشي وسلطان زمانه مشي معاه". 

واختتم:" وعايز أقولكم مصر مليانة مواهب ومش بتقف على أي حد والإعلام المصري بخير، وفي شباب زي الفل، وأنا عندي فكرة برنامج رياضي وهيخدم كل الأندية ونفسي أقدمه وعندي حلم أقدمه وعايز أقعد مع المسئولين في المتحدة واعرض فكرتي عليهم".