تصريحات نارية من إبراهيم عبدالجواد بسبب رحيل أحمد رفعت

علق الإعلامي إبراهيم عبدالجواد، على أزمة وفاة أحمد رفعت لاعب نادي مودرن سبورت، وطالب بأربع إجراءات عاجلة.

وقال عبد الجواد خلال تصريحات تليفزيونية ببرنامج “الهدف”، عبر قناة “أون تايم سبورتس”:” ربنا يرحم اللاعب أحمد رفعت ويصبر أهله، أحمد رفعت في مكان أحسن من اللي فيه كلنا، الجاي لازم يتغير والأمور اللي حصلت معاه متتكررشي “.

وتابع:” كل التحية والتقدير والإحترام للشخص الذي أخذ قرار بفتح تحقيق في واقعة اللاعب أحمد رفعت “.

وشدد عبد الجواد:” لازم نشوف قصة أحمد رفعت علشان نستفيد منها الفتره الجايه لأنها كشفت عورات الكرة المصرية واللي مش شايف كده أعمى وإحنا قسمنا القصة 4 أجزاء لحل أزمة الكرة المصرية لما بصينا في الجوانب كده”.

وأشار: “الأول إدارة : إزاي يكون في إدارة ومسؤولين يوعدوا لاعب بحل أزمته في التجنيد وهو لا يستطيع فعل ذلك، إزاي يبقى في إدارة لأحد الأندية في الدوري بتتحايل وهي عارفة أن في موقف تجنيدي للاعب، ولازم يحصل حل للقصة دي بعد كده”.

وواصل عبد الجواد:” ثانيا، إزاي رئيس رابطة الأنديه المصرية يجمع ما بين منصبين برئاسة نادي واللائحة بتقول كده، واللي بيقول هو ينفع نجيب حد من إدارة الأهلي أو الزمالك يمسك رابطة الأندية“.

واكمل:” ثالثا الأزمة الطبية، لازم الناس تشوف الإجراءات الطبية وإن أحمد رفعت قعد مده طويلة لما حصله كده ومكنشي في جهاز صدمات كهربا وكل تأخير في الثواني بيأخر في الشفاء”.

وزاد عبد الجواد: “طيب هي الرابطة عملت إيه بعد الواقعة دي وحد حقق مع الأندية أو المسؤولين وقالوا فين دوركم فين الأجهزة الطبية، هل الرابطة عرفتنا إيه اللوائح الطبية المسؤوله للأندية طيب عملت إيه علشان تتلافى القصة دي؟”.

وأتم:” رابعا: الجانب الرابع هو الإعلام، احنا كل يوم يخرج علينا ناس بتصريحات اسوء من اللي قبلها”.