غادة عبدالرازق: مليش منافس على الساحة الفنية

حدثت الفنانة غادة عبدالرازق، عن الصعوبات التي واجهتها في بداياتها الفنية وكيف لم تجد التشجيع الكافي من عائلتها، وقصة دخولها الفن بشكل عام، كما تحدثت عن إصرارها على النجاح وحجز مكانها بين نجوم الصف الأول.

غادة عبد الرازق: أهلى قالولي هتشتغلى كومبارس

وتابعت غادة في تصريحاتها ضمن برنامج «صباح العربية»، عن بداياتها: «في الأول عيلتي قالتلي مش هتنجحي ومش هتبقي نجمة هتشتغلي كومبارس، قولتلهم في يوم من الأيام هبقى نجمة ونجمة صف أول وهتشوفوا بإذن الله».

كما تحدثت عن فكرة المنافسة في وجهة نظرها، إذ قالت: «ماليش منافس على الساحة، لأن مفيش حد شبهي ودي الحقيقي، أنا ستايلي وشخصيتي وتمثيلي مش شبه حد، علشان كدا أنا متأكلدة إن مفيش منافس ليا على الساحة».

فيلم تاني .. تاني

وعن فيلمها «تاني تاني»، أكدت أنها سعيدة بتجربة العمل، لأنه أعادها للكوميديا مرة أخرى، قائلةً: «أنا قبلت الفيلم لدا لأنه بيرجعني للكوميديا تاني وعملت شخصية جديدة، محدش كان يتوقعها منيّ، ومتوقعتش النجاح اللي حققه الفيلم، بس الجمهور قالي إن دمي خفيف وطلبوا منيّ أرجع للكوميديا تاني، لأن أخر حاجة كوميدي قدمتها كانت الحاج متولي».